[align=right]
السلام عليكم .. أمس كنت أشوف الموضوع ضرب من الخيال
واليوم الصباح قلت خلني أجرب وغبت عن الجامعة دخلت على الرابط اللي وضعه الأستاذ خالد لشروح للمبتدئين وجلست إلى أذان الظهر اقرأ في الشروح
الموضوع تحوّل بقدرة قادر من شيء مستحيل إلى شيء ممكن
وندمت صراحة إني لي سنوات من منتدى لمنتدى سبهللة وناسة وأشوف هذي الأمور صعبة ولازم لها شخص متمكن في اللغة الإنجليزية لكن طلع الموضوع
أسهل من هذي العقدة اللي ربطتها حول نفسي صحيح للآن أواجه مشاكل في التطبيق لكن اتوقع بعد 3 أسابيع راح أكون قادر ان شاء الله إني أسوي صفحة
كاملة والفضل بعد الله لهذا الإنسان النبيل الأستاذ خالد محد كلمنا قبل كذا ولا نصحنا بهذي الطريقة المبسطة وهذا التحفيز انا اللي شجعني بعد الله طريقته
في التحفيز مع إنه متخصص ومبرمج فين نلقى مبرمج ينصحنا ويوجهنا !!
استاذ خالد جزاك الله خير والله يرزقك أضعاف ما تتمنى عندي بعض الأسئلة المهمة اتمنى ألاقيلها جواب :
1- هل تعلم الإتش تي مل كافي لأصبح مبرمج <-- الله يالدنيا ف يوم واحد قلبنا
ولا لازم أتعلم باقي اللغات ؟!
2- مرت علي في الشروحات كلمة صفحات فرونت بيج هل هذي متعلقة بالعمل
النهائي للبرمجة يعني أسوي الهيكل بالإتش تي مل وبعدين أركب صفحات
فرونت بيج أو كيف بالضبط ؟ لأن لو الجواب نعم فما أشوف فيه داعي أتعلم صيغات
الإتش تي مل غير الأساسية يعني تصغير الخط وتكبيره والألوان والصور
وقفز الأسطر وكذا .. ؟!
3- أنا حفظت الصيغات الأساسية وأقدر أكتبها عن ظهر قلب :
<html>
<head>
<title>
Thank you Professor Khaled
<tile/>
<head/>
<body>
<body/>
<html/>
- هل طريقتي صحيحة ؟ لأني مو قادر أفتح فيها صفحة انترنت تطلع فيها مشاكل وانا احفظ الملفات بامتداد html
- باقي الصيغ كثيرة ومعقدة ما أقدر أحفظها لأنها بالإنجليزي (لاتغرك عبارة الشكر فوق ترجمتها من قوقل ههههه )
فهل أقدر أستغني عن حفظها إني أجمعها في مستند مع وظيفة كل منها باللغة العربية يعني أرجع لها كل ما بغيت
أصمم صفحة ؟
- تقول علمت واحد وصار بعد ثلاث أسابيع مبرمج Php MySql هل تعلم الإتش تي مل أو استغنى عنها أو الولد ذكي
بالإنجليزي ؟ والبرنامج اللي سواه هل تقصد موقع أو برنامج في الأجهزة الذكية ؟
- سؤال أخير يهمني كثيراً لأني في بداية الإتش تي مل واستسهلتها وان شاء الله بستمر حتى اتعلمها اتمنى ما
تجاملني هل بقية اللغات مثل PHP وغيرها .. بمثل سهولة الإتش تي مل ؟ او لازم أتعلم اللغة الإنجليزية ؟
الله يسعدك ويسهل امورك ويرزقك أضعاف ماتتمنى على حضورك ودعمك وتشجيعك لنا ..
جميلك بيكون بأرقابنا كلنا أستاذ خالد
بانتظار جوابك
وهذا ردي لمن استصعب موضوع البرمجة طبعاً اتكلم عن الإتش تي مل
بحكم إني أخذت خلفية كاملة وباقي أرجع من جديد للحفظ والتطبيق حبة حبة ان شاء الله
يا إخوان شوفوا هذا الكود أو هذي الكلمة Thumbs
ما لها معنى صحيح ؟! طيب أضيف نقطتين قبلها ونقطتين بعدها شوفوا وش طلع معي
<<< طلع معي هذي الصورة الرمزية هذا موضوع الإتش تي مل باختصار
يعني رموز وأكواد تسويها بالمفكرة ولما ترفعها بصفحة على النت كل كود له وظيفة خاصة
كود لتكبير الخط وكود للألوان وكود لإضافة صورة وكود لإضافة جدول وكود لإضافة رابط
يعني كأنك تشتغل على صندوق الرد بالأسفل لكن الفرق إنك ما تشوف شغلك مباشرة
لازم ترفعه على النت وتشوف وش صار معك .. هذا الموضوع باختصار
شدوا الهمة .. نبغى يطلع هذا الموضوع أقل شي 10 مبرمجين وانا أولكم بإذن الله
ونسوي قروب ونتواصل
والفضل بعد الله لأستاذنا خالد الأثر قبل يكون خالد الحرف
[/align]
22-09-2014, 04:19 PM
العرض العادي
