19-11-2014, 08:00 PM
|
 |
عضو جديد
|
|
تاريخ التسجيل: Nov 2013
المشاركات: 36
معدل تقييم المستوى: 22
|
|
أولاً إلسلام عليكم ورحمة الله وبركاته :
أول شيء ياشباب الحرس الملكي الأن الرجال سلمو الملفات الخضراء وراح يدخلون الدوره إن شاء الله
على حسب وحد علمي 2/16 .. على حسب علمي لكن ماهو موصوعنا هذا الموضوع كالتالي :
إلي حاب يسجل بالحرس الملكي أولاً
توجه لفرع الناصريه الصباح مواقيت الدوام من الساعه 7:00 لين الظهر
ثانياً إذا انت طويل فوق الـ 175 روح اقصر من الـ 175 توجه لقسم الضباط وشوف الرائد هناك
او العقيد واذا انت قصير راح يخلونك سايق إن شاء الله وبقدرة قادر أنك تدخل هذا للي تحت الـ 175 طولهم
للي فوق الـ 175 وبنيته الجسديه تتناسب مع طوله يعني بالعربي (مامن كرشه، مامن سمنه زايده)
أمورك الحمدلله تمشي أولاً
تاخذ الطول والوزن يكتبون لك بالورقه ..
بعدين تتوجه للعميد عشان يجيزك ولا مايجيزك وإن شاء الله يجيزك رجال شهم ونشمي
بعدين ترجع تصور وتاخذ رقم بعدين تروح للغرفه 3 ( التدقيق ) وتخلص ويدققون عليك
بعدين تخلص وتجلس بالاستراحة برى بعدين تدخل أختبار أبو 5 دقايق وسهل جداً والجنود والعساكر مايقصرون ويعلم الله إنهم كلهم فيهم الخير والبركة
بعدين تدخل على اللواء مقابله شخصيه وشيء مهم مهم جداً ياشباب ( احفظ رقم احوالك )
لانه راح يسالك من غير ماتشوف الأحوال ويجيزك إن شاء الله وتاخذ ورقة للمستشفى
وتروح الصباح من الساعه 6:00 بزي رياضي موحد " تيشيرت أبيض ، وبنطلون أسود "
تخلص امور المستشفى بعدين العصر يكون عندك اختبار لياقه تخلص منه تجلسون شوي
يجيكم الرائد الله يطول عمره رجل كريم ونعم الرجل يعطونكم الملفات الخضراء وورقة الطلبات
تخلصها وتخلص امورك ويعطونك موعد تسلم أوراقك فيها الملف الاخضر والصور والخ
وبعدها وقت الدوره يتحدد من الموقع يرسلون لك إنه تم قبولك ولا لأ
أنا الحمدلله ولله الحمد " مبروك وانتظر موعد الرساله "
إن شاء الله الفال لكم ياربعي والله يوفقكم ..
وإلي حاب يستفسر عن شيء ولا يبي شيء يرسل لي خاص لو يبي رقم جوالي وانا رجال حاضر
وإذا مايقدر خاص عشان المشاركات يكتب لي بالموضوع وانا أعطيه الرقم ..
( ولا تترد أنك تروح تراهم تراهم رجال ووسيعين صدر ويشيلونك في عيونهم حتى المويه وهي المويه حاطينها لك بكرتون يومياً تشرب منها ) ..
والسلام عليكم
التعديل الأخير تم بواسطة فيصل بن سلطان ; 19-11-2014 الساعة 08:06 PM
|
العرض العادي
