السلام عليكم و رحمة الله و بركاته

صباح الخير للجميع
ان شااء الله تكونون بصحه و عافيه

حبيت اطرح عليكم افكار تدور براسي كل مشروع درسته الين صدعت
كل فكره سلبياتها و ايجابياتها

انا موظف حكومي و الراتب ما يكفي لنهاية الشهر و قررت ادخل التجاره الله يرزقني و يرزقكم جميع
و الميزانيه الي راح تتوفر ان شاء الله انا و اخوي تقريباً حدود 120 الف

اول الافكار :

محل ورود و هدايا و كوشات
انا بديت في بيع الورود الطبيعيه و الهدايا فقط
بمحل بالبيت >> في قرية
و الحمد لله لي شهرين ودخله طيب

نهاية الشهر الاقي لي كم قرش :-))

ايجابياته :

المشروع مبدئيا مربح جداً بعد ما عرفت اسراره
و حبيت استاجر و افتح محل بالسوق التابع للقريه
عليه اقبال كبير من المدارس و في المناسبات >هذا الي شجعني

و متردد على الرغم ان ما في محل بالقريه التابع لها و اقرب محل يبعد 90 كم

سبب التردد زواجي قريب ان شااء الله و اخاف الميزانيه المحدده للزواج تنقص
هذا من ناحية الورود و الهدايا


و من ناحية الكوشات متردد لقلة خبرتي فيه
مع ان في شخص صاحب مؤسسة كوشات و ورودو هدايا
واقف معي قال شوف السوق عندك يعني الطلب على الكوشات كثير و لا قليل من خلال التسويق للكوشات الي عنده و اخذ عموله لكل زبون

او
يأجر الكوشات علي بسعر خاص و انا اجرها بسعر بس المشكله موب فاهم شي بالكوشات و يبي لها فريق كامل

السلبيات للمشروع ذا :
يحتاج تواجدي على طول بالمحل
و انا عملي بعيد عن القريه و يحتاج شخص يكون متواجد على طول

و احترت :-(
افتح محل و اعمل تسويق لكوشات لمؤسسة الرجال و اشوف السوق اذا مربح راح او لا
و من ثم ابدى بالكوشات
او اخلي المحل للورود و الهدايا فقط

وجاتني فكرة تنسيق حفلات التخرج و الملكات
و الاطفال

ما ادري ايش رايكم
هذا بالنسبه للمشروع الاول و اسف على الإيطاله ههههههههههههه


المشروع الثاني:
استراحه للمناسبات الصغيره
و فيها العاب للاطفال مثل الملعب الصابوني والاشيااء الثانيه

ايجابياته :
القريه الي انا فيها ما فيها استراحات
ممكن يكون مربح مبدئيا بس اخاف الاقبال يقل مع الوقت و يصير محدود بالمناسبات


سلبياته مبدئياً :
ما عندي ارض انفذ عليها المشروع
ما عندي خلفيه للميزانيه المتوقعه للمشروع
و كم تكلف

وايش رايكم :-)


المشروع الثالث :
قلاب
ايجابياته:
اذا كانت الشاحنه نظيفه و فيها سواق مظبوط يحافظ على معدتك
راح يكون مربح

السلبيات و العقبات :
حسب الدراسه مبدئيا المبلغ يبي له زياده
يبي لها متابعه
ما افهم كثير بالمعدات سوى ان شخص نصحني فيها بشرط يكون السواق مظبوط موب يتعلم بالمركبة حقتي يسبب لها اضرار

المشروع الرابع :
محل ملابس رياضيه ماركه

ايجابياته :
غير متوفر بالمحافظات القريبه


سلبياته:
ما عندي اي معلومه عنها و عن سوقه
و عن البضاعه من وين اخذها
تكون كلها ماركات عالميه









هذا مشاريعي ادري طولت ههههههههه
بس ابي رايكم فيها و ايش تنصحوني
و اي شخص جرب احد هالمشاريع لا يبخل علي
بالنصيحه

و الله يكتب الي فيه خير


ملاحظه :
بالنسبه لقرية سكانها تقريبا حدود 5000 نسمه

المشروعين الاول و الثاني غير متوفره فيها

الميزانيه حدود 120 الف مدري تسوي شي ولا لا
يمكن تزيد و يمكن تقل :-)
لاني باخذ المبلغ من البنك

المشروع الأول جيد طالما بدأت فيه وصار عندك عملاء طوره وخليه بشكل رسمي افضل
والكوش لو عندكم قاعات احتفالات او ستراحات تعاقد معاها بحيث اللي يحجزون فيها ماياخذون الا من عندك وللقاعه او الاستراحه عمولة منك
وشغلها سهل توظف بنات شطار بالاعمال الفنية وعامل يشيل ويحط او توظف عمال وتشرف عليهم بنفسك
بس حدد تبي تشتغل مندوب للمحل على طول او تفكر تفتح محل بالمستقبل؟
اذا ماتقدر تترك وظيفتك الحكوميه ابد ولاتقدر تفتح محل نهائي خلاص تعامل مع المحل كمندوب ولك عمولتك
واذا تقدر تفتح محلك الخاص الافضل تكون لك اعمالك الخاصة

وعليكم السلام ورحمة الله وبركاته


موضوع انك تاخذ سلفة من بنك وانت على وجه زواج تعتبر مغامرة

موضوع انك تاخذ سلفة من بنك وانت على وجه زواج تعتبر مغامرة

طيب جرب المشاريع التالية بس يكون موقعها استراتيجي :

* حلاق .

* مغسلة ملابس .

* مغسلة سيارات .

* بقالة .

* مكتبة .

* استوديو تصوير .

* ورشة .

* بيع خضار وفواكة .

* مكتب انترنت او مكتب خدمات عامة .

- ونسيت الباقي ، وب التوفيق لك في مشروعك الخاص .