اهلاااا ..


باختصار ابي استاجر محل صغير و بس ماعندي فلوس
وجهات التمويل ماردو علي ولا عبروني

نوع النشاط مطعم عشان كذا رفضو اتوقع نسيت السالفة بس مازالت بخاطري
علما ان المنافسه بالمكان اللي ح اسويه فيه صفر ..
واتوقع التمويل 50 او اقل يعني مو كثير ..

هل ممكن بنك يمولني ؟ ولا لازم وظيفة ؟؟

بالنسبه لسؤالك البنك مايعطيك بدون وظيفه!!
لكن اذا صار مطعم راح يكلفك اكثر من 50 ألف طبعاً بالايجار والمطعم يبيله شغل وتعب وشخص يتابعه اول بأول وبالاضافه مشاكل عمال المطاعم كثيره مع البلديه.
لكن من باب النصيحه دامك مو موظفه تستغلي فراغك بالاكلات الشعبيه او الحلى والمعجنات المنزليه وتتعاملين مع بعض المطاعم وبعض الحفلات وتسوقين لنفسك عن طريق تويتر والانستقرام ومنشورات صغيره تكون بمكان تجمع النساء مثل المشاغل وكذا.
بالتوفيق

انصحك بمقهي نسائي واشرفي عليه بنفسك

عندك
مركز جنى لتمويل المشاريع التابعة لمؤسسة سلمان الراجحي الخيرية
ادخلي على الموقع حقهم واطلعي على شروطهم
ومو شرط الواحد يبدأ بمبلغ كبير التجارة حبة حبة وبالتوفيق

اذا عندك عماله مااظن تحتاجين الا فلوس الايجار والرخص والخ ...

والباقي تاخذينه بالتقسيط تتعاملين مع حقين الديكور والمطابخ بالسداد اليومي بعد افتتاح المطعم ..

شكرااا لجميع اللي ردو

الاخ اللي قال اطبخي اناا زيرو بالطبخ ، ومااحبه
الشي اللي ابيه مو مطعم بمعناه الواسع يعني صغير ومختص بشي واحد
ح اشوف مركز جنى ..

شكرااا للكل