بسم الله الرحمن الرحيم ..

الحمدلله رب العالمين والصلاة والسلام على سيد الإنبياء والمرسلين ..


طقت في رأسي هالفكره وحبيت اطرحها لكم ..

مشروع إنشاء محطه إذاعيه تهتم بالتراث الشعبي والقصائد النبطيه والشيلات ..

خصوصاً الشيلات هالايام لها رواد بكثره من كافة الشباب وكبار السن والنساء .

اول شي الفكره رزق حلال ومشروع فيه خير كثير..

القناه تحتاج كادر إعلامي وفريق عمل كبير ..

تهتم بالقصص الشعبيه وقصائد الرثاء والمدح والفخر ولابد تكون موجهه للخليج كله ..


ولازم تشتغل على الراديو والنت ويكون لها تطبيق ايضاً للإجهزه الذكيه ..

وتغطي الاحتفالات الثقافيه والمسابقات الشعريه ..

طبعاُ لو استهدفت المحطه الشباب من فوق الثلاثين بتجذب المستعمين لما تحت الثلاثين انهم يكونون من جمهورها ..

القنوات الربحيه للقناه ..

إعلانات الشركات .. اضافه لو قدمت مع المشروع وكاله اعلانيه راح تستفيد من العلاقات مع الشركات وغيرها ..

تنظيم مسابقات والحصول على رسوم منقطعه من خدمة الـ sms ...

طبعاً حاولت ابحث عن طرق الترخيص والتكاليف وباقي ماحصلت اي معلومه تفيدني ..

طبعاً الموضوع كله مجرده فكره للمناقشه والفائده ...

لكم تحياتي ..

القنوات الشعبية كثيره ومليانه القنوات منها
وراح سوقها خلاص
وبعدين الشيلات شو فيها من فايده ياابن عتيبه
والله انها فتنة
الناس في الشام والعراق تذبح كذبح الشياه
وربعنا وهم وهالشيلات الله المستعان بس
ماجابت لنا الا البلاوي عندك الشيبان الي مشغلين الشيلات وهم يركضون خلف المزايين الدنيا شو صار فيها ياناس من صغرنا احنا نشوف الشايب رمز الوقار استخفوا حتى الشيبان الا من رحم الله منهم
والشباب بعد حدث ولاحرج استخفت الناس الا من رحم الله منهم
مااقول الا الله يكفينا شر داعش وحلفائهم بس الامور ماتبشر بخير
الناس صارت تاكل وتمرح اتمنى من الله ينزل معجزة من السماء
تجعل الناس ترجع الى ماكانت عليه من قبل ولايسلط علينا بذنوبنا ويعاقبنا آمين يارب
وبدون زعل والله اني احب لك الخير ياصاحب الموضوع مثل ماحب لنفسي
واتمنى ان تبحث عن مشروع افضل وشكراً لكم

انصحك استبعد الفكرة من راسك ، ماوراها فايدة ..
اغلب القنوات شغالة شيلات وقصايد أثناء تأدية الصلاة

موضوعك خطير ي أخي ..
مشروع ناجح 80 بالميه ..
هالايام أستخفوـآإ الناس صاروآ يسسسمع ـون كل شيء ..

__________________
سبحان الله وبحمده

ياآخوان المحطه اذاعيه وليست مرئيه وهي مجرد فكره..
بالعكس مااشوف فيها فتنه او هبال ..

الفكره فيها احياء للمورث الشعبي ..

كثير منا يحب يسمع قصص الاولين وقصائدهم ومواقفهم وافعالهم ..

اما من ناحية اوقات الصلاه فـ اظن بالامكان تلافي اي اشكال وقتها بوضع برامج دينيه مدتها 14 دقيقه وزي كذا .. او قصص السلف الصالح ..


سعدت بمشاركتكم

لا تتعب نفسك بالفكرة
لان آخر ترخيص إذاعي تم بيعه قبل 4 سنوات و ب 60 مليون ريال

اعوذ بالله بـ ستين مليون !!!


اتمنى اخوي الوليد تعطينا قصة الترخيص وسبب غلاءه ومن البائع والمشتري اذا كانت شركات ..

البائع هيئة الإذاعة والتلفزيون
المشتري تحالف شركة شمس

سبب الارتفاع
محدودية التراخيص بعد سنوات من الترخيص ل MBC

لاهنت اخوي الوليد ..

روابط خبر منح الترخيص لتحالف الف الف وتحالف شمس
http://www.info.gov.sa/Details.aspx?id=1205

http://www.alriyadh.com/510874