السلام عليكم

اخواني انا افكر اشتري لي سطحه مستعمله و أجيب لي عامل واجرها عليه
انا راس مالي حدود ال 50 - 60 الف ولا اقدر اتعداها

للاسف ماقدر افتح محل لاني شغال بالشرقيه واهلي بجده وكل كم شهر وانا نازل لهم

يعني المحل 80% مابينجح والعمال بيسرقوني بالراحه

لاني والله تعبت راتبي 6300 بالشهر واليوم احنا 29 ومابقي الا 700 ريال بحسابي

مصاريف البيت والاولاد اكلتني

المبلغ الي بحطه بخاطر فيه ببيع سيارتي و اشتري لي سياره تمشيني

واتشارك انا و صاحبي فيها ومن ارباحها ننزل واحده ثانيه وكذا ومن ارباحها نجيب ثانيه ونأسس شركه نقليات

اتمنى الي عندهم خبره يفيدوني

اسعار السطحات مستعمله وبكم ممكن ااجرها على العامل والتامين ايش وضعه في حال لا سمح الله سار شي للسياره المحمله وكذا

والله يا اخوان ملينا من سالفه الراتب يخلص يوم 5 هجري ونتسلف لنهايه الشهر وكذا