السلام عليكم ورحمة الله وبركاته

انا عندي ولدي عنده مشاكل بالنطق فئة ب24

ويبغاله جلسات تكلفني بالشهر 1000ريال

والاعانه مثل ماانتم عارفين كل 6شهور
فالسؤال هل اقدر اطالب بزيادتها او نزولها كل شهر عشان تساعدني
خصوصا ان الولد حالته اثرت على دراسته
وجزاااكم الله عنا كل خير

للاسف يا اختي الكريمه ما راح يعطونك اي زياده
يبغى لك توصلين للديوان الملكي

اختي انا اعاني من كذا هو ان المراكز تبع العلاج الطبيعي والنطق غاليه شوي
وانا سالت عن المكرمه الجديده تبع انه دفع رسوم التاهيل للمعاق ولكن
الموظفه الي بتاهيل رفعت ضغطي هو انه هذا القرار يشمل اللي يسكنوا عندهم
فقط واما الباقي لا قلت الملك لم يقل شي قالت الا النظام كذا ولكن انا دخلت وسالت اخري
صراحه الموظفات التاهيل اذا شافوا الشخص يمشي لو بتعب
تقول انتي ماتحتاجي علاج طبيعي وانتي الحمدلله تمشي وتمهزا فيك
مايحسوا انا نحتاج علاج طبيعي وماشافوا ولا جلسوا معنا كم يوم حتي يحكموا
وانا صراحه عن نفسي اذا تركت العلاج الطبيعي احس زياده في مرضي
يعني اختي مالك الا الصبر والدعاء انه ربي يفرجها واقول اختي قدمي علي الصحه
يمكن تقدري يكون علي حساب الوزاره بس صراحه مااعرف كيف التقديم

الله يعطيكم العافيه جميعكم ماقصرتوا والله يغنينا بعافيه من عنده

اذكر بالسنه الاخيره لي بالجامعه طالبت الجامعه يعطوني اعانه بدل ضعف نظر المهم عطوني ورقه كشف ورحت للتأهيل وكشفت وانطبقت الشروط علي ويوم دخلت على العميد قالي ما نقدر نعطيك قلت وراه ؟
قال لا احد اطرافك مبتور ولا جسمك محروق ههههه قلت اوك بالمره الجايه ابخلي اربعه من اهلي يجيبون لك جثتي واربعه اخرين يشهدون على وفاتي هههه طلعت حقي من خشمه في نهاية الامر

وعليكم السلام ورحمة الله وبركاته

عندك مركز الامير سلطان لخدمات التربية الخاصة حكومي يقدمون خدمات كثير وأتوقع انه منشأ في جميع مناطق المملكة
يستفيد منه ولدك في تدريبات النطق مجانا

الله يجزاك خير يابنك فرحت قلبي الله يفرح قلبك

زين انك اخذت حقك بالنهايه ياسيف الحمدلله