السلام عليكم ورحمة الله وبركاته



يا أخوان انا كنت أعمل في حرس الحدود وفصلت غياب وخدمتي سنة و 11 شهر و 20 يوم
معاملتي طلعت من المنطقة اللي كنت أعمل فيها ووصلت المديرية العامة لحرس الحدود
وبعدين جتني رسالة من ادارة شؤون المتقاعدين بحرس الحدود بأن المعاملة صدرت الى
شؤون المتقاعدين - الشؤون العسكرية - وزارة الداخلية ولها رقم وتاريخ

وبعدها بيومين وصلتني رسالة من الداخلية يقولون قيدت معاملتك برقم وتاريخ
وبعدها باسبوعين جتني رسالة يقولون ان المعاملة صدرت الى مصلحة معاشات التقاعد
وبعد 12 يوم جتني رسالة من المؤسسة العامة للتقاعد يقولون ان المعاملة تمت وسيتم اضافة الاستحقاق الى حسابي

اتصلت عليهم ويقولون ان الاسحقاق هذا هو حقوق الخدمة وهو تقريباً راتب شهرين اساسية

طبعاً انا طول مدة خدمتي ما خذيت اي اجازة اعتيادية يعني في رصيدي شهرين
الشباب حسبوها لي يقولون ان حقوق الاجازات اللي استحقها راتب سته اشهر بالبدلات

حاولت اني اتصل على شؤون المتقاعدين بس ما حصلت لهم رقم لا في المديرية ولا وزارة الداخلية



وودي اعرف وش الطريقة اللي اقدر اعرف فيها كم حقوقي ومتى بتنزل وهل اصلاً لي شيء والا لا

ويا ليت اللي يعرف لي رقم وتحويلة شؤون المتقاعدين في حرس الحدود والا الداخلية لا يبخل علي