13-03-2015, 11:53 AM
|
عضو متواصل
|
|
تاريخ التسجيل: Jun 2014
المشاركات: 50
معدل تقييم المستوى: 20
|
|
السلام عليكم ورحمة الله
كيفكم يالربع ان شاء الله بخير
المهم الله يوفق من ساهم بانشاء هذا التجمع واتمنى ان يستفيد الجميع فهنالك الكثير ممن يحتاجون اليه
واتمنى ان افيدكم بكل ما استيطع فقد كنت يوم من الايام في مثل موقفكم
ما اطول عليكم
المهم العام الماضي تقريبا في 12/7 فتح موعد التسجيل جات رسايل القبول الاولي في شهر 8
طبعا في ميزه حلوه ان يعطونك اسبوعين وانت تحجز في اي يوم مناسب لك خلال الاسبوعين ذي
سوينا جميع الاجراءات بيوم واحد كشف طبي ومقابله ومافي اختبار لياقه طبعا راح تلطعون خلال التقديم اذكر اني دخلت عندهم الفجر ماطلعت الا بالظهر ضربنا الباب بعد اللطعه الحلوه المهم وبعد انتظار جات رسايل الكشف النهاىي بشهر 10 كذلك تحجز موعد لتحليل الدم والبصمات والاشعه وتحليل المخدرات في هذا الكشف ما اخذنا وقت طويل بعدها ب بيوم او يومين جات رسايل القبول النهاىي مجرد تسليم ملفات الي طالبينها طبعا كلها نسخ ما ياخذون الاصل الا لتخصص العلوم السياسيه
المهم في يوم 11/12 كان موعد الدوره طبعا الدوره موحده لجميع القوات في كلية الملك عبدالعزيز الحربيه ما عدا التخصصات الطبيه
استقبلونا بالكلام الزين الي يرفع المعنويه يا وحش ويا جامعي يا محترم ومن هذا الكلام
طبعا كان تفكيرنا اننا راح نتعرض للسب والشتم لكن طلع عكس ذلك وطول الدوره الحمد لله محد يسبك ولا احد يقدر يجرحك بالكلام
وكمان حتى الضباط يقدرون الجامعي والتعامل مع الجامعي بكل احترام
وصدقوني راح تمشي الايام في غمضت عين
نقطه اخيره من ناحية التخصصات فيه تخصصات واجد والطول والوزن والنظر راح يغضون الطرف شوي
والقبول ان شاء الله يتيسر وتذكر ما راح يجيك الا الي كاتبه لك ربي
اخيرا شدو حيلكم الحين بالجامعه ومن اكبر الاخطاء ان الواحد يقلق او يشيل هم في هذا الوقت المبكر
خذو الامور سهالات
اتمنى اني افدتكم واي استفسار تحت امركم واعذروني اذا فيه اخطاء في الكتابه لاني اكتب من الجوال
سلاااام
|
العرض العادي
