انا عاطل لي خمس

متوكل على ربي · #11 (**permalink**) 10-09-2008, 01:20 AM

دلوني ياخواني الله يجزاكم خير

محلل حسابات · #12 (**permalink**) 10-09-2008, 01:51 AM

اقتباس:

المشاركة الأصلية كتبت بواسطة متوكل على ربي

دلوني ياخواني الله يجزاكم خير

يدلك الي انت متوكل عليه سبحانه

حنا هنا مجرد اسباب

شوف يا الغالي

بما انك شهادة كفاءه وناوي على العمل

أختر ما بين ( سيارة لموزين --- مغسلة ملابس --- مقهى انتر نت )

والي ترسي عليها عطني خبر او ارسلي رساله على الخاص وانا ازودك ببعض الحسابات الي تساعدك بأذن الله

ولا تنسى تستشير ثم تستخير ثم تختار
وأكثر من الأستغفار 100 مره في اليوم اقل شي

فتى نجد · #13 (**permalink**) 10-09-2008, 04:29 AM

اقتباس:

المشاركة الأصلية كتبت بواسطة متوكل على ربي

الشهادة كفاءة

وبعدين ياخوي الشهادة ماعاد تنفع الحين اعرف واحد متخرج من الجامعة 5 وتوه يجيه تعين بالجمارك مفتش
مامثل التجارة اذا وفقك الله

اخوي ... أنت مثل الي يدور على رزقه وهو ما يشوف الكنز الي بين ايديه !!!!!!!
لا تعجب ... شف ردك الي انا اقتبسته وبتعرف ؟؟؟

خويك مفتش بالجمارك وتسئل وش اشتغل فيه ؟؟؟ خويك هذا كنز وانفتح لك ولازم تشوف لك دبره معه .
اكيد تبي تتسائل وتقول ... وش بستفيد منه .... صح ؟؟

انا اقولك ... راس مالك وعندك ... صح ؟؟ انت تدري إن مفتش الجمارك تمر عليه بضائع هالتجار المستوردة من الخارج ؟؟ انت تدري أن خويك يكون مطلع على فواتير هالبضاءع من المصدر ؟؟ يعني عنده عنوان المصدر للبضاعه من خارج المملكة وايضاً عنده سعر تكلفتها من المصنع ..

هنا ... انت اجلس مع نفسك وقلب الموضوع ... بس انتبه من الفيمتووووو

لاتكثر منه لأنه بسبب عملية تجييم ( تقفيل ) للمخ

... قلبها مظبوط وطع شوري وقل ابـــو خـــالد ما قاله ..

وموفق إن شاء الله ,,,,

متوكل على ربي · #14 (**permalink**) 10-09-2008, 06:29 AM

محلل حسابات انا مقدر ارسلك رسالة خاصة لأني ماوصلت مشاركاتي خمس وعشرين انا اقول انه مغسلة ملابس زينه وفيه رزق باأذن الله وش المطلوب جعلك الله لوالديك بارا في حياتك لهم سارا وفي حياتك لاترا المكاره ليل ولا نهارا من ناحية البل
ية ومن ناحية كيف تأسيس المغسلة

الوافي نواف 512 · #15 (**permalink**) 10-09-2008, 06:52 AM

معدات مغاسل الملابس تجده لدى اكثر من وكيل منهم
شركة الصغير لمعدات المغاسل( ابحث في قوقل بنفس الاسم تجد معلومات عنهم )
وشركة البابطين
وراح تجد عندهم المكبس الامريكي والوطني والاسباني بس عليك بالامريكي ولو غلا لانه يتحمل ضغط العمل وقطع غياره متوفره
والبلولر ماراح تلقى الا وطني وهو ممتاز
والله يوفقك

Eng.computer · #16 (**permalink**) 10-09-2008, 08:24 AM

وأزيدك ان شاء الله فائده

طلع رخصه عمومي

وطلع تكسي

ع الشركه هذي اللي تطلع لك تكسي اقساط بقيمة الكاش

ووقت الفضاوه تكد عليها واوصيك (( بالمقاولات / مدرسات ، والا طلاب ))

فيها ذهب ومنها سياره اقساط جديده بقيمة الكاش

والله يوفقك يااارب

متوكل على ربي · #17 (**permalink**) 10-09-2008, 04:44 PM

تسلملي الوافي نواف

وسام بافرط · #18 (**permalink**) 11-09-2008, 01:26 AM

على البركة إنشاء الله..

الغلا كله · #19 (**permalink**) 11-09-2008, 10:03 PM

الله يوفقك انشالله

شيبة عرعر · #20 (**permalink**) 12-09-2008, 02:14 AM

اقتباس:

المشاركة الأصلية كتبت بواسطة متوكل على ربي

السلام عليكم ورحمة الله وبركاته
انا عاطل لي خمس سنوات اسئلكم ياأخوني اخوي موظف ويقول ودي اطلع لك سيارة دين وتفتح لك مشروع تترزق الله ويقول افتحلك خياط او مغسلة سيارات او مغسلة ثياب بس ياخواني الله لايحقركم كيف ابدا بالمشروع وش المطلوب من ناحية الخياطة كيف اجيب المكائن وين تباع والاقمشة من وين اجيبه وكذلك المغاسل وين تباع أغراضها جزاكم الله خير والله يرزقني وياكم

اخي متوكل على ربي

السلام عليكم

ماشاء الله لاقوة الا باللة ونعم من توكلت علية فهو سبحانة نعم المولى ونعم النصير ومن يتوكل على الله فهو حسبة .

اخي الحبيب

قبل ان تسال عن المشاريع يجب ان تسال نفسك انت عن ميولك وماتستطيع ان تعملة فليس مايعملة فلان من الناس قد تستطيع عملة لان المسالة قدرات وميول لذلك قبل ان تتورط في دين اجلس مع نفسك وشف وش اللي تميل لة وقبل ذلك وبعد صلي صلاة الاستخارة وربي يوفقك .

شهادتك كفاءة وعاطل من خمس سنين يعني استطيع الاستنتاج ان عمرك في حدود 22 او 23 سنة بمعنى ماعندك خبرة عملية لذلك انصحك عندما ترتاح لنشاط تجاري معين ان تشتغل نفس الشغلة كموظف الى ان تشرب الشغلانة وبعدين اترك العمل عند الغير وافتح نشاط تجاري خاص بك وبذلك تكون وفرت وقت وجهد وخسائر واكتسبت خبرة .

واسال الله تعالى ان يفرج همك ويرزقك من غير ان تحتسب والحمدللة رب العالمين

اخوك

شيبة عرعر