السلام عليكم ورحمة الله وبركاته
صباح الخير للجميع
ياخوان كنت في وظيفه اداريه لا باس فيها المشكلة فيها الراتب المشكلة الأساسية في القطاع الخاص الراتب طبعا انا ليه سنتين المهم جاء نظام السعوده اللهم لك الحمد طلع رواتب الموظفين الجدد اعلى من راتبي اللهم لا حسد بس انا وين حق تعبي وسنيني الا راحت على الفاضي لاحد يجي يقول خبره انا عندي خبره سابقه وهم حديثي تخرج واكلمهم وكل يوم وعود ولا شفنا شيء المهم قطعت عن العمل ليه اكثر من شهر ولما طفشت من الجلسة قلت برجع يمكن يرجعوني او اعطيهم استقالتي قالوا ما نقبل استقالتك ولا نقدر نرجعك احنا انهينا خدماتك وقلت اسمي باقي اسمي موجود في التأمينات اعتبرو انقطاعي اجازه بدون راتب قالوا لا وانا ليه اكثر من اسبوعين واسمي موجود في التامينات ولا رجعوني لدوام ولا قبلوا الاستقاله
تكفون الفزعه ايش الحل وكيف اطلع اسمي ودي اقدم على وظيفه ثانيه والخبره ضاعت وهل لي حقوق علما بان الوظيفه محاسبه
واسف على الاطاله

لو انهو الخدمة من حقك شهادة الخبرة

واسقاط اسمك من التامينات

يمكن فصلوك

ولكن الخبره تاخذينها من التامينات الاجتماعيه وتمشي امورك ان شاءلله

تقدري تقدمين بلاغ بـ (استغلال اسمك في التأمينات الإجتماعية) عن طريق الموقع الإلكتروني وستحاسب الشركة وتغرم ويشهر فيها بالصحف المحلية.

يبون يستغلون اسمك سعودة في التامينات من حقك تشكيهم لانهم معلقينك لا اللي بيوظفونك ولا اللي سقطو اسمك وتاخذ حقوقك شهر واسبوعين

انتي حاطة نفسك بمشكلة وبالاصل مافي مشكلة خليهم يولووون خبرتك بالنسبة للتأمينات اسمك ينزل لما تنقبلي بوظيفة ثانية او اذا ما تبين وظيفة ثانية تاخذين اخلاء طرف من شركتك السابقة وتروحي للتأمينات ينزلون اسمك في دقيقه وبالنسبة للخبرة محفوظة مو شرط شهادة خبرة من الشركة برنت التأمينات يكفي
كلامي هذا عن خبرة مع الشركات والله يوفقك ويوفق الجميع