السلام عليكم ورحمة الله
طبعا كل اللي قدموا مرتين وتم رفض طلبهم ادخلوا وشيكوا مرة أخرى لاأنهم حدثوا للمرة الثالثة
وأنا لاحول ولاقوة الابالله للمرة الثالثة غيرمطابقة للشروط تشير سجيلات الأحوال المدنية ان لايمضي على طلاقك سنتين واذا كان غير ذلك نرجوا تحديث بياناتك من الأحوال المدنية ومن ثم إعادة تقديم طلب وطبعا انامضى على طلاقي سنتين ونصف ولكن هم اخذو تاريخ استخراج صك الطلاق وليس تاريخ الطلاق إنالله وإنا إليه راجعون وغدا بإذن الله رايحة الأحوال ربي ييسرلي يارب وييسرللجميع

السلام عليكم
أشكركم يازوار وياأعضاء المنتدى على مروركم على موضوعي

طبعا راح أقولكم وش صار معي وخاصة لي أهل القرى لاأنهم يحزنوا يروحوا ويضربوا مشوار وفي الأخير يرجعوهم طبعا يلي حالتهم مثل حالتي تم رفضهم بسبب ان الطلاق أقل من سنتين وهوغير صحيح أناباقي لي شهرين وأكمل 3سنين وحتى اذا شافوا تاريخ استخراج الصك الحمدلله طلع سنتين ونصف يعني في كل الأحوال طلاقي أكثر من سنتين
طبعا اليوم رحت الأحوال بتاريخ 1436/6/16عشان أحدث بياناتي مثل ماقالوا وزارة الإسكان ولمارحت عند الموظفة قلتلها باأحدث بياناتي أصلا عالطول قالتلي عشان الإسكان صح قلتلها ايوة قالت طيب جيبي الطلبات وبعدين نحدثلك قلتلها الله أكبر حتى التحديث لي طلبات لاإله إلا الله
عالعموم قالت جيبي
عقدالايجار وصورة منها
قلتلها أناساكنة في بيت باباتي قالت طيب جيبي صك الملكية وصورة منها قلتلها ايش دخل هذا في ذا وش دخل صك الملكية تبع باباتي في موضوعي قالت الصك طيب بااسمك ضحكتني هههههه كيف بااسمي وأنامقدمة على الإسكان قلتلها لاطبعا باسم بابتي الله يحفظه قالت خلاص جيبي صك الملكية وصورة منها وبطاقة أبوك وصورة منهاوبطاقتك الشخصية وصورة منها وأعطتني نموذج أقوم بتعبئته
وطبعاكلمت باباتي ورجعنا البيت وأخذ صك الملكية طبعا تبع زمان الصك الطويل اللي محطوط في علبة هههه حتى أناانفجعت لي أول مرة أشوف صك زي كدا تبارك الله عالعموم روحنا صورنا نسخة وباباتي طول الطريق ويقول انتهبي على الصك وطلعي بشويش عشان لاينشق لان الورقة قديمة جدا جدا طبعا رحت عندالموظفة وأعطيتها الأوراق اللي طلبتها وقالت اعطني صك الملكية الأصلي أصلا أول ماطلعت العلبة وجيت أفتحه قالت الله أكبر وضحكت قالت لا خلاص لاتطلعي الا أناقلتلها ايوة تبع زمان اعطتني رقم ورحت عندالموظفة اللي تحدث بياناتي الاقلتلها فهميني ليش أحدث وعندهم كل شي باين في الكمبيوتر وتاريخ طلاقي قالت هذا نظام جديد وزارة الإسكان دحين مع وزارة الداخلية ووزارة الصحة ووووالخ عشان كدا لازم تحدث ممكن عشان العناوين وماشابه ذلك والى الان ماهوداخل عقلي صراحة من التحديث ماأدري وزارة الإسكان بيوصلوا لي اي وليش هذا التعقيد لاحول ولاقوة الا بالله
والحمدلله حدثتلي في ثواني الاطلبت برنت قالت معليش ممنوع لازم تجيبي خطاب من الجهة اللي تبغي تعطيهم برنت قلتلها أبغى برنت لنفسي قالت لامايصير قلتلها ياسلام طيب الشي يخصني وبياناتي فيها قالت معليش ممنوع والحمدلله رب العالمين

أعيد الطلبات من أجل التحديث بسبب وزارة الاسكان
عقد الايجار وصورة منها
او اذا ملك صك الملكية وصورة منها
والبطاقة الشخصية للمالك وصورة منها
وبطاقتك الشخصية وصورة منها
وروقة نموذج تعطيكي الموظفة للتعبئة البيانات من اتصال واسم الحي ورقم جوالك ورقم أحدأقربائك وصندوق ورمزالبريدي وووالخ

ربي ييسر ويسهل للجميع يارب

طبعا راح أكمل أكيد دحين الاغلب يقول حلاوة قطن كلامها كثير هههه ولكن والله حبيت تعرفوا كل شي عشان حرام لاتروحوا وتضربوا مشوار ويرجعوكم ياأعضاء ويازوارمنتدى حلول البطالة بارك الله فيكم
عالعموم ولماكنت في الأحوال جات وحدة كانت بتعدل المهنة الاقالتلها الانسة أبغى أعدل مهنتي الا متسبب أو طالبة أو أي شي الا ضحكت الموظفة قالت متسبب للرجال انتي ربة منزل ولاأنتي موظفة قالت لاكنت موظفة ودحين لا قالتلها لازم تجيبي
شاهدين حرمتين فوق الثمانية عشرعاما مع هوياتهم الاصلية الجديدة وليست القديمة طبعا ماعرفت الجديد الا أناوريتها تبعي أو تجيبي رجلين يعرفوك ولا يشهدوا على ماأفتكر
أمااذا كنتي موظفة في قطاع خاص تأخذي خطاب من شغلك وتروحي الغرفة التجارية أتوقع من أجل المصادقة
اواذا وظيفة حكومية نسيت والله ايش قالتلها
عالعموم كل اللي بيعدلوا مهنتهم للربة منزل
الطلبات من أجل تعديل المهنة
1-لازم تحضر معها حرمتين يكون عمرهم فوق18سنة مع هوياتهم الاصلية الجديدة المطورة وصورةمنها
2-او رجلين مع هوياتهم ولكن مني متأكدة هل قالت لها رجلين أو رجل
3-بالإضافة للبطاقة الاصلية للمقدمة على تغيير المهنة وصورة منها
4-وأخذ موعد من الأحوال المدنية باختيار حجز موعد وعادي اذا اخذتوا موعد من نفس اليوم وذهبتوا مثل ماعملت أنا

وكمان جات وحدة من القرى أتوقع لان قالت جنوب مكة أتوقع عشان تطلع بطاقة شخصية لها تخيلوا ضربت مشوار وفي الأخير قالولها لازم تجيبي شهادة الميلاد لاحول ولاقوة الابالله كان بس ناقصها شهادة ميلاد

وبالتوفيق للجميع

اللهم اغفرلي وللوالدي وللمسلمين والمسلمات والمؤمنين والمؤمنات الاحياء منهم والاموات

عالعموم بعد مارجعت البيت وجيت ادخل على موقع الوزارة عشان أقدم مرة ثانية حسب ماخبروني الاأتصلت على وزارة الإسكان وقلت للموظف الأول دحين اقدم اعتراض مرة ثانية وأقولهم اني حدثت ولا أعيد وأقدم مرة ثانية قال شوفي خانة الاعتراض تفتح معك قلتله ايوة فتحت قال خلاص قدمي اعتراض وخبريهم انك حدثتي طبعا سويت مثل ماقال وجاني في سبب الاعتراض خيار واحد فقط وهو الطلاق أقل من سنتين اخترته لاأني مأقدر أكتب شي ثاني او اختار طبعا كملت وكل شي وكتبتلهم اني حدثت اليوم ولي ألولوية في الدعم السكني وبعد ماخلصت وعملت حفظ وليس حفظ وخروج هداني الله وخرجت من الموقع الادخلت مرة ثانية أشوف ايش كتبوا الاأتفجأء انهم كتبوا غير مكتمل جيت على خانة استكمال ماهوراضي يفتح اخترت حذف أيضا ماهوراضي يفتح والله فجعت قلت لايكون عشان أخترت الطلاق أقل من سنتين
عالطول أتصلت على الوزارة وردعلي الموظف الثاني وفهمتوا كل شي وايش اللي صار الا تخيلوا هنا الفاجعة يقول كتبلوك كدا عشان لماقدمتي على الإسكان ماكمل سنتين قلت لا هم يقصدوا الطلاق لازم سنتين الا قال لا ومن قال لازم تقديمك على الإسكان يكون سنتين عالعموم طولت مع الموظف قلتله استحالة هو يقول من هنا وأنا أقوله من هنا وفي الأخير قال الله يعطيك الصبر أنتظري سنة أخرى قلت الشي ماهو داخل رأسي عالعموم رخيت
الا رجعت أتصلت مرة ثانية ورد علي موظف ثالث وفهمتوا القصة الله يجزاه خير عالطول قال ماهوراضي ينحذف معاكي قلتله ايوة قال غريبة طيب مضى من طلاقك سنتين قلت أي وأكثر قال طيب غيري المتصفح واذا نفس المشكلة ارجعي وأتصل علينا طبعا ماغيرت المتصفح رجعت مرة ثانية ودخلت على الموقع الا عملت حذف وانحذف ورجعت رفعت اعتراض مرة ثانية والحمدلله لما عملت حفظ وخروج الا جاء الكلام تبع التعهد وحطيت
صح الا عالطول كتبوا مقبول مبدئيا ولله الحمد والمنة
يعني اذا صدقت الموظف الثاني الله يهديه كان ؟؟؟؟؟؟؟
عشان كدا حبيت أخبركم يالمطلقات أكثر من سنتين

لاإله إلآ أنت سبحانك إني كنت من الظالمين

يعطيك العافيه
ومبروك مقدماً
الله يكتبلك الخير وييسر أمرك ويرزقك
ويرزق كل محتاج

وعليكم السلام ورحمة الله وبركاته
الف مبروك قبلوك وعقبالنا حلو اللي سويتيه
ماضاع حق وراه مطالب
والله اني فرحتلك ياحلاوه
والحمدلله إصرارك جاب نتيجه

حلو أنك كررتي عليهم وعادي تقبلو اللي قالولي لوسمحتي لإعاد تتصلين وخلاص هذي دفعه خلصت
لانه بكل شي كاتبينه عندي جواب
سبب الأول لايوجد عايله مدري ع أي أساس قالو كذا
وبعدها استبعدو واحد من اخواني بسبب العمر مع أنه يوم قدمنا كان بعمر يطابق
بعدها قالو مافي شهادة وفاة الولد
بعدها قالو سبب وجود خارج سعوديه
شي اللي يضحك اني من أول ماقدمت الطلب
رافعه كل شي وقولهم طيب انت فاتح طلب يقول ايه أقوله طيب اقراء شهادة وفاة قدامه وسبب تواجد خارج سعوديه دراسه اما لايوجد عايله ضحكتني وفي مره كلموني قالو كيف بتسدوون يااختي ومره قالو في أولوية للمعاقين طبعا جوابي له انا معاقه نشوف أن شاءالله آخرتها معاهم واذا لنا نصيب وربي كاتبه بيقبلونا المهم الله يوفق جميع