السلام عليكم


اولا انا خريجة بكالوريوس تخصص حاسب آلي

صارلي متخرجة سنة و نص

و مافي أي بوادر امل اني بتوظف

مافي مكان ماقدمت عليه

والله العظيم حتى بياعة بالمولات قدمت فوق انها فترتين صباح و مساء و راتب 3000 و 1500 منها للسواق

بعد ما مشى الحال

اتوقع اهل الغربية و بالذات المدينة عارفين كيف الوضع فيها

حتى اعلانات وظائف بالنادر نشوفها و بشروط خبرة و انجليزي بطلاقة
(على فكرة مانتوا ملاحظين الشرط هذا عمال على بطال ابثرونا فيها)


المهم
انا الحين صرت افكر جديا اني اقدم على احد دورات التدريب المنتهي بالتوظيف
و بما انه مافي بالمدينة فأكيد بقدم بالرياض لأن اكثرها هناك


بس احس الوضع مغامرة
لاني ماعندي سكن هناك ولا اعرف احد



بالله شيروا علي و اعطوني حلول

والله العظيم وضعي يطقق و شهادتي تعبانه فيها مابي اضيع تعبي

الله يرزقكم من واسع فضله و يغنيكم جميعا

الله يوفقك الحياه يبغالها مجازفه ولو تقدري اتوكلي على الله وربنا بفتحلك ابواب الخير ..
ماعندي خلفيه على اللي بتعمليه بس حبيت ادعيلك ^_^

وعليكم السلام
مسأله التوظيف مشكله عامه اختي لها اكثر من 10 سنوات وهي جالسه في البيت واخيرا ربي وفقها وتم تعيينها معلمه
تبقى مشكلتك ليست فقط بالتوظيف المشكله تكمن ببعدك عن مكان اقامتك وعن المحرم في الرياض لو توظفتي ب 4 او 5 الاف وأعتقد ان القطاع الخاص لن يدفع مرتب اكثر من ذلك تأكدي ان دخلك سوف يذهب لأجار المنزل وعلى السائق وكأنك يابو زيد ماغزيت
بعدك عن مكان اقامتك ليس حلا ولو حصلتي على وظيفه
وضعك يبغاله شويه صبر حاولي بالتقديم على المستشفيات مثل مستشفى الولاده والاطفال ومستشفى الصحه النفسيه والملك فهد لديهم وظائف على التشغيل الذاتي وبدون اختلاط
ارى ان لاتفكري اطلاقا بالعمل خارج المدينه لأن ذلك عمل غير مجدي
ربي يوفقك اختى

وعليكم السلام ..

بالنسبة لي لا اشجع على الغربة بعيدا ع الاهل مجااازفة ...
بما انك حاسب ان شاء الله تلاقي وظيفة اتجهي للمدارس الاهلية + الجمعيات الخيرية مثل الندوة العالمية لكن لا اعلم عن رواتبهم +المعاهد
+ الاستغفار باب من أبواب الرزق

موفقة

وعليكم السلام ورحمة الله وبركاته

أنتِ نفس تخصصي بالعكس أشوفه مطلوب
يمكن مشكلتك بالمنطقة الشواغر عندكم قليلة
وما أنصحك بالتقديم خارج منطقتك
إذا كنتِ مو تربوية خذي لك دبلوم تربوي وانتظري جدارة
وطوّري نفسك بالدورات

شوفي هنا إعلان في الأحوال المدنية ( أكيد عندكم فرع لها )
التقديم يبدأ الأحد الجاي موفقة يارب
https://www.btalah.com/showthread.*****..18#post8517618

انصحك ماتبعدين عن اهلك والله تتعبين كثير وتشتت افكارك انا مجربه الغربه والله تعب وتفكير ماراح ترتاحين ابد
اهم شي اشغلي وقتك ادخلي دورات لو تدرسين دروس خاصه بالبيت
هذا رايي وبالتوفيق

مافيه بوادر أمل اني اتوظف من البداية حكمتي على نفسك انك ما فيه أمل تتوظفين وبكذا راح تشوفي توقعاتك على أرض الواقع

بس تقولي راح أتوظف ان شاء الله راح تتوظفين

انصحك اذا ماعندك تربوي تاخذينه واذا عندك تكملين ماجستير بدال العطالة

ولو فرضنا انك تلتحقين بتدريب منتهي بالتوظيف في الرياض فالداراسة أولى انك تتغربين

لو فرضا جامعة طيبة ما قبلتك وقبلتك جامعة الرياض

كلها سنتين ان شاء الله وتحصلين على الماستر أفضل لك

أو تقدرين تكملين ماستر بالجامعة الإلكترونية ان قلنا ان معدلك ما يأهل لدخول اي جامعة

برسوم 9000 في الترم الواحد أو لو تقدرين تتواصلين مع وزير التعليم أو مكتبه بأي وسيلة ممكن يساعدك

وأستغرب أهل الحاسب يقولوا ما لقينا وظائف بكالوريوس مهب دبلوم مثلي

فيه بنات تخرجوا وصاروا يعملون برامج على الآكسس ويبيعونها في المنتديات

واذا لك هواية في البرمجة فأكيد بتلاقي مواقع تشتري تصاميم

لي قريبة تخرجت حاسب معدلها حلو جلست سنة بعدها اخذت تربوي وجلست سنة ثانية وتعينت معلمة

والآخر خريج حاسب معدله مرتفع جلس 7 شهور عاطل وتوظف بوظيفة حكومية

بس انتي اختصري الطريق وكملي ماجستير أفضل

ولا تظنين بالله انك ما راح تتوظفين احسني الظن بربك

اولاً قبل كل شيء / استخيري الله سبحانه

بعدين تخصصك مثل تخصصي واشوفه كثير ومرغوب

طوري نفسك ، خذي دبلوم تربوي + اختبري اختبار كفايات المعلمين

وقدمي على التعليم

أو

شوفي المدارس الأهلية يقبلونك


---

انا اعاني مثلك من ناحية ( اللغة الانجليزية )

مثل ما قالوا الاخوان والاخوات ، لا تبتعدين عن اهلك ، حطي في بالك حتى لو توظفتي بعيد راتبك ممكن يبدأ من 5 الى 6 ، الشيء الثاني اجاز + سائق + الاكل + واحتياجاتك

يعني ما بتستفيدين شيء!!



والله يوفقنا وياك ويرزقنا الوظيفة المناسبة والحلال

ياحبيبتي الحال من بعضه انا من المدينة بس انا عاطله لي 4 سنوات ونص من سنة تخرجي حسافة ايامنا اللي ضاعت على غير سنع
والانجليزي خرطي مايفيد لو فاد كان فادني انا

انجليزي ومعاي لغة ولااستفدت من شهادتي شىء مرمية بدرجي ومغبرة ولا لي نفس اساسا اطالع فيها ولا الوزارة هي ووعودها الك...ة وظفتنا الحمد الله على كل حال ..

احاول اشغل وقت فراغي بشىء يفيدني في دنياي واخرتي فـ سرت ماشاء الله اشارك في مواقع تعليمية واساعد الطالبات في دروسهم وطلباتهم المدرسية والحمدالله ماشي الحال ..لكن برضو احس بداخلي قهررر العطالة وغير كذا ماني مستفيدة من شهادتي مررا من جد قهررر !

المدارس الخاصة حذفتها من قاموسي بلا رجعة يخوفوا يضربوا ويشتموا الواحد مو ناقص حراق دم والادارة تهين وتطرد متى ماجاء البديل المزود بفيتامين و سحبوا علينا ....نبغى وظائف تليق فينا وبشهادتنا حتى لو راتب متواضع لو تطوعي مايضر لانه الهدف اساسا من الوظيفة للمراة مو بس الكسب المادي وخلاص لا نحتاجه لـ تطوير الذات واكتساب مهارات كثيرة واهمها المهارات الاجتماعية بدال بطة البيت

وبعدين نصيحة لوجه الله اتركي عنك وظايف المولات ماتليق بوحده ماشاء الله بشهادتكـ ومؤهلاتك الله لايحيجنا لها ولاتحدنا الظروف نهين انفسنا في بيوت الشياطين ..... بس انتي ماشاء الله شهادتكـ وتخصصك حلوو لك مجالات كثيرة غير المدارس اعرف وحده من قرايبي تخصصها زيك
حاسب وقدمت على وظائف اسمها مجموعة مدري مين جميل هههه نسيت اسم الرجال والله ><!!
المهم انقبلت ودوامها روووعه ماشاء الله تبارك الله وذحين ماشاءالله مديرة وتوظف البنات وشاغله وقتها بشىء مفيد!!