السلام عليكم ورحمة الله وبركاته
تعودت ادخل الموقع باستمرار واستفيد مما يطرح فيه فدعواتي للجميع بالمتعة والفائده
ومن هنا ابطرح عليكم مشروعي لتنصحوني بما يفيد ويضيف عليه او بما يحذر منه
مركز خدمة للطالبات والمعلمات نسائي
اي يقدم كل الخدمات من وسائل تعليميه وتصوير وترجمه واعداد بحوث وتغليف وكل شي يتعلق بالجامعة والمدارس حتي اعداد الدروس والعروض
الكادر كله نسائي ويتوفر فيه صيانه للاجهزه الحواسب والجوالات
ايش رايكم

جمييييل جدا خصوصا ان النساء بمجتمعنا محتاجين محلات نسائيه من هالنوع عشان يأمنون على صورهم . احسن من المحلات الرجاليه بصراحه
زي انا جوالي البلاك بيري طفى فجأه وماقدرت اوديه للصيانه عشان بذاكرة الجهاز فيها صور شخصيه وبالدرج الين يومك
شي جميل جدا ومبدع اهنيك على فكرتك الجميله

بالتوفيق يارب

مشروع جميل جداً .. اتمنى لك التوفيق والنجاح

اهنيك على فكرة المشروع الرائع بس في نقاط مهمه يجب تحطين في بالك واللي هو الموقع والشي الاخر تسويق لمحلك وافضل موقع يكون بين مخرج 7 و 6 قريب من كل الجامعات وفالك التوفيق

صيانة الجوالات نشاط مختلف عن صيانة الكمبيوتر ومختلف عن نشاط خدمات طلابيه كل نشاط له سجل تجاري
ماتقدرين تدمجينهم في محل واحد
اول شي اسألي واستفسري عن التراخيص والاجراءات المطلوبة والانشطة اللي ممكن تختارينها
واعملي دراسة الجدوى ضروري, لان اللي اعرفه ان التصوير والطباعة والبحوث ماتدخل دخل كبير وانتي وراك ايجار ومصاريف والايجارات غالية نار الا اذا بتفتحين داخل حي صغير بمحل صغير
سوي دراسة الجدوى بالكامل ضروري ومهم جدااا بعدها تقدرين تقررين
وشوفي كم موظفة تحتاجين وكم رواتبهم الخ
والله يوفقك

فكره رائعه
اتمنى لك التوفيق والسداد

والفكره قايمه علي اننا نوفر للسيده وللطالبه وللمعلمه كل شي يمكن يحتاجونه لعملهم والاجهزه وصياناتها جزء من العمل يعني المكان بيكون اشبه بمركز متكامل للخدمات كلها
فخساره لو كان وجود سجل لكل نشاط عائق للمشروع
اتمني تفيدوني بذي النقطه