بنات فيه احد هنا من ادارة شؤون الوافدين!؟

للاسف انا بعتذر عن وظيفتي حطوني في الوافدين بعيد جدا
عن بيتي الله يعوضني باحسن منها
والحمدلله ع كل حال والله يرزقنا اجمعين

وترى خلال الاشهر القريبه راح ينتقلون للمبنى الجديد ع طريق الخرج الرياض وان شالله يكون قريب من بيتك
استخيري انتي

هيبة شموخ
دقوا امس ماتتخيلين وشلون ضاق صدري كنت متأمله فيها مررره
المكان بعيد جدا عن بيتي رحت وشفته في حي النظيم اقصى شرق الرياض
وانا ساكنه في الجنوب يبي لي سواق ومالقيت خط سير مع العلم يوم اعطيهم اوراقي
قايلين لي راح اداوم في جوازات الملك فهد
وكثير خوفني من العمل في شؤون الوافدين مامدحوه يقولون متعب
وغير هذا كله ممكن ينقلونهم الخرج بعد كم شهر
استخرت وبعتذر ان شاءالله
ماتحسفت الا على شهور الانتظار الحمدلله الله يعوضني خير

انا في شعبه الوافدين بالعكس الدوام مره حلو والله احيان مايكون عندنا شغل
الحركه والشغل والنشاط في الجوازات لان شغلهم كثير

الله يوفقكم أخيرا تواصلوا معكم الحمدلله

أم لنو اصبري ومابعد الصبر إلا الفرج ماتدرين تداومين ويجيك تثبيت

إن شاء الله كل شيء يتسهل بعون الله الوظايف الحين بالقطارة

وودك لما يمسك الواحد شيء يكمل فيه لين ربي يرزقه الأفضل ويمكن

يكون اختيار هالوظيفة من ربي وفيها خير وبركة أكثر من الوظائف اللي

راح عمرنا نتمناها عموما إذا اعتذرتِ الله يعوضك بالأفضل وإذا

استمريتي الله يتمم لك وييسر لك يارب ...

كيف طريقه التقديم والتسجيل مفتوح ع طول ولا

أم لنو الفرصة ماتجي الا مره وانا اختك
والله حرام تعتذرين حررررام بعد هالانتظار كله 😩😭
زي ماقالت هيبة السيارة تقرب البعيد
نصيحه من اخت لا تفرطييييين فيها واستخيري حبيبتي
واذا نقللو للخرج ف ترا الخرج قريبه منك دامك بجنوب الرياض
وتذكري المعلمات اللي يغتربون عن اهاليهم سنين وسنين عشان رزقهم ،
وترا كل شي مكتوب ومقدر بس انتي اصبري واحتسبي