السلام عليكم ورحمة وبركاته،،

بالنسبة يا شباب القطاع الغربي فالقبول المبدائي عطونا اوراق الأحوال والبصمات والكشف هل نسلمها في موعد الكشف الطبي ولا بعد ما يرسلون لنا نتيجه الفحص ؟؟

ثانيا - مشينا في الطول والوزن بالقبول المبدائي بنمشي في الكشف؟؟

ثالثا واخيرا- كم ساعه الكشف الطبي ويرجعوننا للتجنيد بالباص ولا ؟

اعتذر عن الأطاله لأني بصك 1000 كيلو فابي اجوبة كافية

قالو لنا لحد يجيب شي معه في موعد الكشف غير البطاقة والخطابات بعدين جيبوها اذا نجحتم في الكشف وارسلنا لكم جيبوها موعدي 7/15

بيض الله وجيهكم ي عيال طلعنا في يوم واحد ممنوع

أنا سويت الكشف الطبي الثلاثاء الي فات ،،
موعدي كان سبعه الصباح ،، جب معك بطاقة الأحوال الأصل وصورتين شخصيه
اول شي ينادون بالكشف الأسماء ويركبونك باص يحطونك بصاله طبعا يوزعونكم تقريبا خمس صفوف او سته ،، اول شي يأخذون وزن وطول وبعدين سحب دم وبعدين نظر وبعدين كشف باطنيه ، اهم شي تعال بسروال مقوصر لاتجي يقطن وإلا بوكسر ، لان فيه عالم هناك انحرجت بالحيل وبعضهم جاي بدون سروال السبك ، حنا خلصنا على 12 الظهر وسهالاااات كلها والله ما يدققون واجد ، أصلا الدكتور قالنا دامك وصلت الكشف الطبي فأنت مقبول ان شاء الله

لا عدمتكم ي عيال ، بس ذاك اليوم يوم سلمونا الخطابات وقعونا على ورقه مدري وش هي ؟؟ الله يستر

لا وقعت ورقه ولاشي ، الي عطونا إياها بالبداية ، ورقة الكشف الطبي وورقة الأحوال وورقة الأدلة الجنائية وورقة مصادقة الشهادة فقط

انا وقعوني على ورقه يوم سلموني الأوراق ، فتاريخ 24/6