تعال وارسم على وجه الزمن بَسْمه
تعبت من دنيا وفيها الحزن ضيفي


القلب ضاق بجفاك وملّ من جِسْمه
صبرت لين الجفا كسّر مجاديفي


صورتك بين الجفن والعين منْرسمه
مِسْهرني طيفك ؛ ورى مايسهرك طيفي ؟!


أحس بإحساس صوبك ماعرف شسمه
بس أعرف أنه يجيب شتاي في صيفي


يرضيك أنـاْ ابكي عليك أن هبّت النِسْمه
وآنــا الزّمن ما فَرَحْ لحظه بتخويفي


سيفي أخذ من زمانه حقه وقِسْمه
ومن شفت سهم الهدب سلّمت لك سيفي


وأن عودت للغلا لا تخاف منْحسمه
ركز معي وانتبه واسمع لتوصيفي


غلاك عانه وَسْم في داخلي وسْمه
مكتوب فوق الوَسْم أغلى مواليفي


منت اختياري ولكن صرت لي قسمه
الله كتب لي أحبك ماهو بكيفي


متى على الله ترد وترجع البسمه
مليت من دنيا وفيها الحزن ضيفي

جميل
صح الله لسانك
وتسلم يمناك ع النقل
اختياراتك جميله
سلمت ولا هنت

احترامي ي راقي .