"]لسلام عليكم ورحمة الله وبركاته ... متى يبدأ التقديم في كلية الحرس الوطني للضباط لأن ولدي يتخرج السنه هذي وخايفه يروح عليه التسجيل

ولدي نسبته المتوقعه 90 هل يقبل فيها ؟؟ توقعاتكم

واش فيه كليات ثانية يمكن يقدم فيها ؟؟؟ افيدوني جزاكم الله خير

فيه كليات قطاعات وزارة الدفاع جوية اذا عنده انجليزي كويس
وبرية وبحرية ودفاع جوي
مع الحرس
وبالتوفيق

مشكورررر الله يعطيك العافية

اذا ابوه موضف في الحرس يجيب استثناء

ابوه عسكري بس مو في الحرس الوطني

خليه يكمل جامعه أفضله من العسكرية بالتوفيق لنا وله وللجميع

طيب عنده واسطه في الكليه اذا ماعنده لا يعلق امله فيها كثير

الحين الاخت تسئل تبغى اجابة تروحون تسئلونها -سبحان الله

يبدأ التسجيل اعتباراً من الساعة الـ 12 ظهراً من يوم الأحد 13 شعبان 1436هـ الموافق 31 /5 / 2015م، وحتى الساعة الـ 11 مساءً من يوم الأربعاء 23 شعبان 1436هـ الموافق 10 /6 / 2015م، وعلى مدار الـ 24 ساعة
هاذا فترة التقديم للجامعيين والشهادات العليا اما بالنسبة للثانوية باقي مافتح التسجيل

الكليات العسكرية بشكل عام صعب جدا تدخلها من دون واسطة قوية حتى لوكان المتقدم مستوفي كل الشروط وكان لي تجربة سيئة معهم لكن الحمد لله على كل حال فيه ناس نسبهم 70 و69 دخلوها لأن لهم معارف وجايين عن طريق فلان بن فلان وناس نسبهم فوق الـ90 سحبوا عليهم

خليه يتوكل على الله ويقدم يمكن يكون رزقه فيها وينقبل بدون واسطة مافيه شيء صعب على الله سبحانه وتعالى وأول مايفتح التقديم للثانوي أكيد بينزل موضوع بقسم الوظائف العسكرية لكن أهم شيء لايحط كل أمله فيها والأفضل لويقدم على الجامعة كاحتياط إذا ماانقبل يكمل دراسته ويرجع يقدم على الكليات العسكرية بعد ماياخذ البكالوريوس والله يوفقه