السلام عليكم
اولا الرزق بيد الله والله امرنا ببذل الاسباب لكسب الرزق .
قصتي كالنالي .. طلع اسمي بجدارة لمفاضلة سلم الموظفين العام بالمرتبة السابعة . مهندس كهربائي مساعد . روح لاحد افرع الخدمة المدنية و كملت الكشف الطبي و . . . . .
المهم قالو بعد يومين بنرسل ملفك لمقر عملك و بيصل خلال اسبوع
وبعد اسبوع وصل الملف ورحت راجعت مقر الوظيفة يوم راجعتهم قالو الرقم الي انت مترشح عليه فيه واحد متوظف عليه . قلت انا جاييكم رسمي شوفو لي حل ما قصرو حصلو لي رقم ثاني واعادو الملف مع خطاب لترشيحي على الرقم الجديد . ورجع الملف لفرع الخدمة و راجعتهم قالو بنرسل ملفك بالايميل للجنة الترشيح بالوزارة لان بيدهم الصلاحيات . وارسلو بالايميل و لي الان حوالي شهر ما جا الترشيح . يا اخوان الي عنده تجربة او يعرف اش الي حاصل لا يبخل علينا . انا اخاف انو يلغو ترشيحي بعد عناء الانتظار .

طمونيني

الله يعينك

يالغالي ادخل موقع جدار وصور الصفحه الي فيها ترشيحك
وخش بعيونهم لو توصلها للجرايد

قريت مرة خبر بسبق اضن او بجريدة ثانية المهم نفس حالتك ذي
وكويس هم تفهموا وضعك ورفعوا طلب من جديد
اللي قريته ب الجريدة شوتوهـ وقالوا له م لك وظيفة عندنا وذا خطأ وكذا

المهم انت اسعى وروح للجنة الترشيح بالوزارة بكرة وشوف اش الهرجة
يمكن ملفك ناسينة هنا ولا هنا ومحد شافة للان
لاتجلس ع نفسك روح لهم وشوف

وموفق ي رب

ونسيت اقولك غلطان انك تاركهم شهر كامل للان روح راجعهم من بكره وانشبلهم ولاتنسى تصور اوراقك كلها خاصه الورقه الاخيره اذا اعطوك خطاب انك مخلص الكشف الطبي والمقابله الي هو قبل خطاب التعيين حاول تحتفظ باوراقك كلها عشان لايلفون الموضوع
ولاترضى إلا بالمدينه الي انت مترشح لها
هاذي حركات بعض الادارات رقمك الشاغر يرحلو عليه موظف عندهم بقوه الواسطه عليه

حسبنا الله و نعم الوكيل .