مرحبا بكم أخواني وأخواتي الأعضاء في متصفحي
والله يحيييكم
انا جاي اليوم وابي اطرح فكره وهي ليست بجديده ولكن أبي منكم الخبرة والمشوره
وارائكم لاشك تهمني الا ماكان طرحت هالموضوع هنا

انا ياجماعة الخير المنطقة اللي أنا فيها مافيها الا مقهى انترنت واحد ويمكن تقولون بعيد
للي ماعنده سياره ففكرت اني افتح مقهى انترنت دام اني عاطل ولاعندي لاشغله ولامشغله
ويكون أقرب من المقهى الاول
وخدمات افضل
فا الحين ابي منكم اللي عنده خبره سواء كانت في الترخيص أو تسعيره المستلزمات
وطريقة شراء الاجهزة هل أقدر اشتريها جمله من احد الشركات او كيف وش الطريقة
و اللي عنده لو ادنى معلومه الله يسعده يقولها...

وقولو لي وش رايكم بالمشروع دام ان مافيه الا واحد بالمنطقة

لاترحل قبل ان تترك بصمتك هنا عزيزي العضو

وأسال الله جل في علاه ان يكتب لكم الاجر وأن يجعلني واياكم ووالدينا ممن تعتق رقابهم من النار في هذا الشهر الفضيل

المشروع من أفضل المشاريع دام أن في منطقتك من نوعة محل واحد فقط
أما الكمبيوترات تستطيع أن تشتريها بالجملة من جدة
الترخيص عن طريق أي مكتب دون أن توجع رأسك
والله يوفقك
وإن شاء الله يفيدونك اكثر

شكرا اخوي الله يعطيك العافية
الترخيص عن طريق اي مكتب يعني كيف ممكن توضح لي اكثر
وربي يسعدك دنيا واخره

ويعافيك يالغالي
عن طريق مكتب خدمات عامة

وشي منطقتك ؟
حسب المنطقة تقدر تضيف لمشروعك اضافات رائعة وجذابة .
مهم جدا يكون فيه دي اس ال مجاني . وشاشاة عرض كبيرررررررة لعرض المباريات مثلا .

مهم يكون فيه جلسات ارضيه وشبة نار احنا على وجه شتاء ..وهكذا

يعطيك العافية اخوي قهوة وشاكر لك عالاقتراح
جاني واحد من الملتزمين خوي لي وقالي اني ابأخذ ذنوب انا في غنى عنها
واقنعني بالغاء هالفكره
والحمد لله على كل حال اسأل الله لي ولكم التيسيير في الدنيا والاخره

أشكرك وبالتوفيق

خافي الشوق

الله يوفقك في مشروعك وما أضيف على اخواني الأعضاء من أفكار

لكن لا تنسى الخصم للساعه والساعتين مقارنة في المحل المجاور لك

وأهم شي ديكور المحل لأنه أهم سبب لجذب الزبائن

وبالتوفيق لك

جزاااااكم الله الف خير
والله لايحرمكم الاجر