السلام عليكم ورحمة الله وبركاته
اسعد الله مسائكم
انا ببتدئ في مشروع مستلزمات رجالية تقريبا وابغى اوصل للمشتري بمعلومة مختصرة ان السعر هذا رخيص مقارنه بغيرنا ليس لان المنتج سيء نفس المنتج او افضل
لاننا لا يوجد لدينا عمالة ولا اجار محلات واننا شباب سعوديين يهمنا رضا العميل قبل الكسب المادي



مثال/
قد يبدو مدهشا وغريبا هذا السعر المميز لسلعة بهذه الجودة والرقي ويعود ذلك لأسباب / او عوامل ........

نبي اضافة على هذه الجملة او افضل منها


ولكم مني جزيل الشكر والتقدير

معقولة محد عرف يجيبها لي

ماعلش علي تاخير

انا مثلك ولكن الحمد لله عندي كلمه مختصره واغلب زباين يفهمها دامها طالعه من لسان ابن البلد
اول شي اعرض بضاعتي وموصفاته وبالاخير اختصر كلام واقوله


لـــــــــــــــــف السوق وتعال
لف السوق وشوف سعرها بكم

هذي تنباع بسوق بـ 25 ريال وعندنا بـ 15 بنفس موصفات

تنباع بسوق بـ 25 ريال وعندنا ب 15 بنفس موصفات اسعارنا اسعار جمله


هذي طلاسم اللي استعملها في محلي

ذكرتني بمحل لابوي متخصص بالملابس النسائية،، ابوي يبيع نفس الملابس اللي يبيعها المحل اللي بجنبه لكن باقل من نص السعر وسعرها 120 ريال،، وجار ابوي بالمحل يبيعها حدود 300 ريال،،

الناس تشوف اللي عند ابوي وتروح للمحل اللي جنبه ابو 300 وتشتري منه ويقولون هذا اصلي وانت تقليد ههههههههههههههههـه


اخر شي اظطر ابوي يبيع مثل راعي المحل واحيانا يقل عنه 10 او 5 ريال بس ومشت الملابس،، مع العلم ان ابوي يبيع سعر القطعه واحيانا سعر القطعتين بسعر الكرتون،، يعني لو كلفه الدرزن 350 ريال،، يقسم المبلغ على قطعتين،، والباقي مكسب وتغطية مصاريف مثل الراتب وايجار،،

مثل هذه الاستشارات يقدمها لك المكاتب الإستشارية ، فمثلا هناك مكاتب كثيرة في الرياض وغيرها للاستشارات الإقتصادية أو المالية أو التجارية ، فأنت تبي تعد المنتج من جميع جهاته لازم تتعب عليه وتقدمه للعميل بأفضل صورة

أنصحك بزيارة مكاتب الاستشارات سيقدم لك حلول مذهلة .

رمضان الخير معنا غير تخفيضات 10% على جميع الملابس

لسنا الوحيدين ولكننا الأفضل
أسعار مغرية ومنافسه
نراهن على كسب رضا الزبون
اسعارنا في متناول الجميع .. الخ


ومثل ماوضح احد المشاركين، لا تدخل الزباين معك في تفاصيل اكثر من كذا، لئنك راح تفتح على نفسك ابواب انت في غنا عنها

وفالك التوفيق

شكراااا
وجزاكم الله كل خير
ورزقكم الله من حيث لا تحتسبون

استغل المناسبات واعمل عروض
مثلا تخفيضات هائلة على الاسعار بمناسبة شهر رمضان المبارك
أو بمناسبة العيد
أو العيد الوطني
أو بمناسبة العام الجديد
أو بمناسبة فوز المنتخب الوطني
اخترع المناسبات اختراع ولما ما تلاقي مناسبات خلي سعرك اقل من السوق بشيء بسيط
مع ملاحظة وضع السعر الأصلي قبل التخفيض وبعد التخفيض وبهيك معظم السنة بتبيع بالسعر اللي انت تريده وفترات قليلة
حتى أنك تعمل لنفسك سمعة أنك دايما عندك عروض وتخفيضات