طيب واذا جاء الشتاء ؟ وش بيصير ؟
أبدا عندي لكم فكرة جهنمية . والله لو إني ولد لاسويها من بكرا ..

وشي الفكرة ؟؟

الفكرة طالت أعماركم هي كالتالي :

تعرفون سيارات الآيس كريم المتنقلة ؟ أكيد تعرفونها
طيب . في الشتاء تقل إنتاجيتها لدرجة إن بعض أصحابها يركنونها على جنب ( هذا ما قرأته في إحدى الصحف ) ! طيب بما إنه بيركنها على جنب . ليش ما تستأجرها أنت ؟
إيه أنت أخوي العاطل !
استأجر السيارة ، وتعال أعلمك وش تسوي فيها ..

.

في الشتاء يقل الطلب على الآيس كريم ومنتجاته . وأنت استأجرت السيارة بمبلغ بسيط . اذن ماعليك سوى استئجار عامل يجيد صنع ( القهوة بانواعها - والمشروبات الساخنة من ضمنها الشاي ) وكل اللي تحتاجه : عامل جيد ونشيط وسريع وضابط شغله + أكواب ورق بالجملة ماتكلفك شي + مكونات القهوة من نسكافيه وحليب وغيره . فقط .

طيب ؟؟
وش بعد ؟؟

أبدا ..

تعرف الناس وين يتجمعون بالشتاء ؟؟
أكيد تعرف لأنك شاب وأعلم مني . ! إذن شد حيك وتوكل على الله . مجموعة بسياراتهم الجديدة يسنترون في ( الثمامة ) . ومجموعة يسنترون في ( تنهات ) ومجموعة يدورون في ( بران الرياض ) الواسعة

اشترط لنجاح العمل النظافة ، يعني لما تستأجر السيارة نظفها تماما ، وياليت تغير من شكلها من برا ، يعني تحط ملصقات كوفي وقهوة وغيره ، وتبين انها سيارة مشروبات ساخنة وليست سيارة آيس كريم .

وعلى فكرة أنت ترى اللي بتسوق في السيارة - وانت اللي بتستلم الحساب من الزباين . وإن ماطلعت في اليوم الأول إيجار السيارة وعليه كم مية ، تراني ما أجيب العلم

دعواتكم ..

وعلى فكرة ..

لا ينط لي منكم واحد ويقول ماعندي إيجار السيارة .

لاني باقول له : دبره من تحت الأرض لو تتسلفه . واذا رزقك الله رجعه .

وسلامتكم .

الفكرة حلووووووووووة مررررررررررررة

ماشاء الله عليك ياقهوة افكار ولا بلاش

اؤيد الاخت قهوه..الفكره رائعه والاهم ان راس المال المستثمر بسيط جدا وتافه
وحتى ايجار السياره بامكانك تاجيل دفع ايجاره بالاتفاق مع مالك السياره بعد
اعطاءه الضمانات الكافيه......يعني الدعوه كاسات ورقيه وكم علبه شاي وحليب
وقهوه............بارك الله فيك قهوه واكثر الله من امثالك

مرررره حلوة الفكرة

يعطيتس العافية

مشكوووووووووووووووره

حبيبتي

ومن جد الفكره حلووووووووووووه

وعلى قولك


لو احنا اولاد كان سويناها من بكره

هههههههههههههههههههههههههه


وابضيف شغله

عشان بعد زيادة الدخل

وتعدد الرغبات


يكون معاها


بليله

ذره

فشاار

لان اي كوفي بالدنيا

مايقتصر على المشروبات

فمثل ماانه في ناس تبي تشرب

كمان فيه ناس تبي تاكل



وادواتها بسيطه جدا


لكن الاسبيرسو والموكا

مكاينها يمكن غاليه شوي


بس يستعين

بالجهازه
الي تباع اظرف

من كل الانواع

في الهايبر ماركات

وراس مالها

كل كوب يحط فيه ظرف او نص ظرف مع ماء وسكر

ويحرررررررررررررررررررررررررررررررررك


وسلامتكم

إن شاء الله نتائجها حلوة

فكره جميلة ويعطيك العافية

ماشاء الله عليك يا قهوة

أفكارك جهنميه لو إنك ولد كان تشاركت معاك بأي مشروع

الله يوفقك ويرزقك بمشروع بنات يدخل عليك ذهب