السلام عليكم ..
أنا خريجة أحياء قدمت على جدارة وأن شاء الله يكون اسمي من ضمن المرشحين بحكم ان نقاطي تعدت 80 واضفت جميع الرغبات ..
ايضا قدمت على وظيفة بهيئة التحقيق والرقابة على المرتبة الثامنة طبعا قدمت على الوظائف التعليمية بشهادة البكالوريوس ..
وقدمت على الوظائف الثانية بشهادة الماجستير ووصلني خبر اليوم بقبولي في هيئة الرقابة والتحقيق
الان لو طلع اسمي كمان بالتعليمي ايش الافضل في الوظيفتين . طبعا الراتب مو مهم الفرق بينهم لكن من ناحية العمل والنقل وهذي الامور ..
احتاج مشورتكم .

وعليكم السلام
من رأيي شوفي وظيفه هيئة التحقيق وين موقعها
اذا الموقع قريب من منطقتك او فنفس المنطقه اتوكلي على الله وخذيها لانه التعليم عادة تكون المناطق بعيده

الله يوفقكي اولا استخيري ربك
ثانيا : التعليم ممتاز من ناحيه انه ممكن تنقلين للمنطقة الي إنتي ترغبين فيها بحسب رغباتكم وترتيبها.
ثالثا : الرقابه لا اعلم عنها بشي ولكن حسب ما تقرأين إنتي عنها وكَيف حيكون عملك وتعينك في المنطقة الي إنتي تبغين او بعيد وهل تقدرين تنقلين بسهوله.( يعني حسب اطلاعك على هيئه الرقابه )
واستخيري ربك
والله يوفقكي

وعليكم السلام ورحمة الله
اختي نهاية الانتظار توقفت كثير لما قرأت اسمك ...يارب اجعل النهاية اللي نتمناها
شوفي انتي عندك ماجستير وعلى اساسه استحقيتي المرتبة الثامنه ..وعندك خيار ثاني انك تتنازلين عنه عشاان الوظائف التعليمية اسألي نفسك وش اهمية هذه الوظيفة لي حتى اقبل فيها او وش الميزة اللي فيها مو موجودة في الثانية فكري مع نفسك لان كل شخص بيعطيك رأي يكون يناسبه ويرتاح له ممكن ما يناسبك وكمان انتي نوع شخصيتك اي وظيفة متطلباتها مناسبة لك لان هذا الشىء له دور مهم في انه يخليك تحبين شغلك اكثر من النقل والامور الثانيه واستخيري وان شاء الله ربي ييسرها ...الله يوفقك

سبحان الله وبحمده

من رأيي توافقين ع وظيفة الهيئة لانك بتكوني ع المرتبه الثامنه اللي انتي تستحقيها
اما تتعبين وتاخذين ماستر وتقدمين بالبكلوريا وعلى الخامسه لا !

بالنهايه استخيري وشوفي نفسك لشنو مرتاحه اكثر


الله يوفقك ويكتب لك الخير ويرضيك فيمآ كتب لك ..

وعليكم السلام

انا معي ماستر لو جتني اكيد بختار اتوظف عالماستر اريح , وقلبي مرتاح توظفت بمؤهلي

شرط عني شخصيا يهمني ابد مافيه اختلاط لا من قريب ولا من بعيد ( لان بصراحه معرف طبيعة العمل بهيئة التحقيق)



بس السؤال انا وزميلاتي معنا ماستر بقروب ولا سمعنا بوظايف للماستر نزلوا فقط 8 وظائف جدارة ويقولو الخدمه المدنية ابداااا مافي وظايف لكم عالثامنه متى هالوظايف ولا واسطه ؟؟

إذا مو هامك الراتب فأنا أقترح لك وظيفة التعليم

التعليم يكفيك أجواءه الجميله
وبكفيك زميلاتك اللي بتقضين معهم أيام جميلة
إضافة إلى متعة التدريس والتفاعل بينك وبين الطالبات
هذي ممكن ما تاخذينها بعين الإعتبار
لكن صدقيني هي أهم شيء في التعليم كوظيفة

التحقيق والإدعاء العام بالغالب ورغم أني ما اعرف نظامهم وعملهم
لكن مكاتب ودوام ممل..ويكون بعلمك أسوء عمل هو العمل المكتبي
ساعه وتطلع روحك..

قبل كل شي إستخيري مره ومرتين وعشر ..وربي بيفتح عليك

خذي هالكلام بعين الإعتبار..وبكره حتتذكرينه..
بالتوفيق يارب

اشكر كل من قدم لي مشورته ..
الله يكتبلي الخير وين ماكان .. وبالنسبة للي تسأل عن طريقة تقديمي على وظائف هيئة التحقيق طبعا كان التقديم من فرع في منطقتي وليس عن طريق جدارة .. وتواصلت مع مدير الفرع بحكم المرتبة المستحقة بحسب شهادتي وافادني بانه لو تقدمت لاي وظيفة من وظائفهم المعلن عنها خلال سنة يتم اعطائي المرتبة المستحقة لي .
مع العلم اني لم اضيف شهادة الماجستير الى ملفي في جدارة لاني حديثة تخرج من شهرين تقريبا وخفت انه يكون فيه لخبطة فأخرتها لبعد المفاضلة التعليمية .

الراتب ماهو ذاك الفرق
الماستر ياخذ 8000 تقريبا
والمعلم نفسها
المعلم لو تعينتي في مكان لازم تقعدي فيه سنتين
وتتقربي بعدها كل سنة الين توصل مديتنك يعني ممكن 8 سنوات
اما الماستر وظيفة ادارية والنقل زي شرب الموية
تشوفي وحده نفس مرتبتك ووظيفتك وتتبادلي معاها عادي جدا
من وجهة نظري كفتاة
الانسب لك الماستر
اما اذا بيعادلو لكي التعليم ماراح يعادلوها الا بعد ثلاث سنوات من المباشرة
وانسي انك تتوظفي بالماستر عن طريق جدارة انا ليا 3 سنوات انتظر
البنات ينزلو لهم وظائف عالمرتبة الثامنة كل سنة في حدود 7 وظائف
لو مكانك صراحة اروح بالماستر
مكتب ومكيف وسط مدينة والنقل مافي اسهل منه بالاضافة انا الاداري ماعليه ذاك التشديد
ولا معلمة مهجولة
الساعة ثلاثة يمرها السواق ويتكسر ظهرها بالخط الين ترجع العصر
وراتبها راح بين السواق والسكن وممكن ترمي في قطعه
والراتب واحد والزيادة وحدة !!!
وبالاخير الامر الاول والاخير لكي