انا كنت موظف بشركة ارامكو تدرج الثانويه ، وحطوني ( مشغل ) وكرهت ام الوضع كرف ومنطقه نائيه وغربه ودوام 12 ساعه ، المهم طقت النفسيه وفصلت منها ، الان لي تقريبا سنه وعليها عاطل وعمري تقريبا 24

ابيكم تنصحوني وش اسوي ، هل ادرس ولا اتوظف باي شركه ، طيب لو ابي ادرس وش التخصص اللي ممكن يضمن مستقبلي ، نصائحكم يا شباب لان الوضع متأزم

انصحك ادرس الجامعه
عندك تخصصات حلوه وعليها طلب
زي اللغه الانجليزيه - الشريعه - ادارة الأعمال - ولو بحثت راح تلقي معلومات اكثر
موفق ي رب

ادرس وتوظف

طالما ماناسبك وضع ارامكو نفس الشي اي عمل ثاني كرف وقرف وووو

ادرس ومافي تخصص مضمون الدنيا تتغير اليوم التخصص ذا مرغوب السنه الجايه يصير تكدس خريجيين والرزق مو مرتبط بتخصص ولا بشهاده

بس اعمل بالاسباب وكمل دراستك احس عندك طموح والله يوفقك

ولسه العمر قدامك توك صغير لاحد يقلك كبرت واشتغل وهالكلام خاصة لو وضعك المادي كويس كمل دراستك وكبر المخده ولو صادفك عمل كمان امسكه يصير راتب ودراسه والارزاق بيد الله بس استفيد من وقتك بالدراسه والايام تجري تغمض تفتح تلاقي نفسك معك بكالريوس وبعدها صف مع العاطلين هيهيهي بس عالاقل مريح ضميرك سويت اللي عليك

corner boy / يعطيك العافيه اخوي ماقصرت

شهلاء شوشو / كلامك فيه نوع من الامل

شكل مالها الا دراسه وهي خاربه خاربه

مع شهلاء شوشو الله يوفقك

وفيه خيار ثاني قدامك الأنتساب وتتوظف بنفس الوقت ..
وفيه كلية جديدة روووعه لو ماتخرجت أنا سجلت فيها .. اللي هي كلية الالبان والتغذية بالخرج تتخرج منها وتشتغل بشركة المراعي اداري وراتبك مايقل عن 10 اول ماتعيين
الكليه ذي تابعه للشركة ..
ولاحد يشينها براسك ويقولك تخصصك حلب بقر .. أنت ادخل وشف نظامها وبالباقي راجع لك .. واداري مالك علاقه بالبقر والاعلاف ..