انا فصلت من التأمينات هل لها علاقه

بالتوظيف وهل يزيد راتب المعلمة ان في تامينات

لأَنِّي ابي اسحب مستحقاتي بعد العيد لأَنِّي بحاجتهم

لا مالها علاقه بالعكس تفيدك اذا توظفتي بالحكومي
ومأنصحك تسحبين مستحقاتك لان لو ماسحبتيها بتنتقل خدمتك للحكومي بدال ماتتقاعدين بعد اربعين سنه خدمه تتقاعدين بعد 35 سنه وكل مازادت خدمتك بالتأمينات نقصت خدمتك بالحكومي اتمني فهمتيني

ما انصحك تسحبينها ان شاء الله يطلع اسمك من المقبولات في التعليمي ويسير تستفيدين من خدمتك بالتقاعد وتتقاعدين بدري وترتاحين..اذا ما طلع اسمك حاولي تتصبرين وتدورين لك وظيفه على شان ماتظطرين تسحبينها ...

اولا
شهور التأمينات لو تعينتي حكومي حتروح لمصلحة التقاعد
بمعنى تحسب لك شهور خدمة
واذا عرفتي ان التقاعد لازم 300شهر فالعمل بمدرسة اهلية 5 سنوات يعني 50 شهر تأمينات يعني يبقى لك 250 شهر تستوفيها بالحكومي وتطلبي تقاعد مبكر بنص الراتب بالتالي هنا انتي افضل من اللي كانت عاطلة بالبيت


ثانيا التعميم السابق
يقصد به احتساب الخبرات قبل 27 في الدرجات وهذي يشترط بها مطابقة العمل
يعني وزارة التعليم تقول لو كنتي معلمة بمدارسها الأهلية او بالهيئة الملكية فإن سنوات خبرتك تحسب لك في الدرجات مثلا تعنتي خاص سنة 1422 ومن يومها للأن تشتغلين وجاك الأن حكومي اذن عندك عام 22-23-24-25-26-27 يعني 6سنوات خاص كانها عمل حكومي وتتعيني على الدرجة السابعة بدل الدرجة الأولى من المستوى الخامس

ثالثا
هذا العام كان من ضمن مطالبات المعلمين للوزير الجديد انه يحتسب كل سنوات الخبرة التعليمية بالدرجات بمعنى ماتوقف عند عام 27,,,وهذا حق ... اللي خليها تحتسب لعام 27 يخليها تحتسب كلها

رابعا
بمجرد تسحبي تأميناتك ينتهي كل الكلام بالأعلى ومايعود لك اي مستحقات سابقة لامادية ولا خبرات

خامسا
التعميم السابق ساري المفعول لمدة سنتين فقط بعد التعيين يعني لو مادريتي عن التعميم الا بعد تعيينك بثلاث سنوات فمالك حق تطالبي بشيء

سادسا
مهم الجميع يفتح موقع التأمينات ويدخل هويته يتأكد من السعودة الوهمية
بحال وجدت نفسك مسجل بمكان
الله يجزاهم خير انته اولا مستفيد انهم زادوا تأمينك
دق عليهم وقلهم انا اكتشفت سعودة وهمية وهذي مخالفة وانا مااشتغلت عندكم ورجاء بدل مااوصلها لمكتب العمل من حقي استلم رواتبي المؤمن علي بها وهي باينه اصلا قدامكم بالموقع بحال مااعطوك رواتبك دق على مكتب العمل وحرر مخالفة غالبا ماترجع لك فلوسك انما تكسب كم شهر مؤمن وتأبدهم مايسوونها مع غيرك لأن هم ممكن يدخلون البلاك ليست ويسيروا تحت المراقبة الشي الي تسعى كل المؤسسات ماتعمله لو قالو ابد ماسوينا مادرينا وبالغلط...مستحيل انهم مادروا اصلا مايأمنون على شخص الا بوجود عقد عمل لابد هم مزورينه



من الأخر دقي اي باب الإ التأمينات
بالتوفيق

لا مااتوقع
هم يحسبون الخبرة باستخراج شهادة خبرة سنوية تتوقع من مدير التعليم بمنطقتك

بنفس السياق
الأخوات اللي كان عندهم خبرة تعليمية بمدارس خاصة وتوظفوا اداريات ماانحسبتلهم
لسبب عدم توافق السلم الوظيفي

واصلا بعد عام 30 مايحسبون حسب التعميم بالأعلى وهذي مطالبات المعلمين هذا العام لوزير التعليم باحتساب كامل الخبرة التعليمية وعدم تحديدها بما قبل 27