لكل شخص ينتظر البطاقة الجديدة ليوم ضربنا مشوار للضمان وزحمة وعالم
وقالو لنا البطاقات ماوصلت الحين مر 4اسابيع على التاريخ الموجود في الموقع 8/3/20015
وقال لي الموظف بطاقات 10و11موقفة وما نعرف متى توصل ( مهزلة )
رجاءاً راعو كبار السن يا مكتب المدينة

الله يعين

حسبي الله ونعم الوكيل فيهم

والله حرام كذا ، البطايق موقفه من شهر ولسى الجديدة ما جات ؟؟
ليه يوقفوها وهي باقي فيها شهرين ؟؟ حسبي الله عليهم

اتمنى من اخونا المنتصر بالله يقولنا متى تجي لانو هو من اهل المدينة وموظف في الضمان .. ( هذا اللي فهمته من خلال متابعتي للمنتدى)

حتى ضمان جده للحين ما جاءت ... حسبي الله ونعم الوكيل ... أرسلوا خطاب لوزير الشوؤن الاجتماعيه ... المنتصر بالله ماف يده حاجه ... جزاه الله خير غير يجاوب على أسألتنا ويواسينا ...

فعلا لازم نتحد يد وحدة ونرسل للوزير
اناشخصيا أرسلت
لازم كلنا نرسل يد وحدك ماتصفق

فعلا اخونا المنتصر بالله ما بيقصر المشكلة في الوزارة
حسبي الله عليهم فوضنا امرنا لله

ندري ان المنتصر مابيده شيء ، بس اقول اذا هو موظف في ضمان المدينة المنورة اذا جات البطايق يقول لنا ، وجزاه الله خير

اقسم بالله .. كانت بطاقة الوالده باقي فيها شـهرين

رحت لهم قال الله يعينك تجينا بعد 3 اسابيع قلت امرنا لله نجيكم بعد 3 اسابيع

رحت لهم بعد 3 اسابيع .. دخلت على نفس الموظف يكلمني براس خشمه

يناظر بالبطاقه يقول ما جات تعال بعد 10 ايام

وياقلب لا تحزن ملينا من الضمان ومن اجراءاتهم التعيسه

كل البطاقات اللي توقفت الشهر اللي راح باقي فيها شهرين
و للأسف فيه اهمال وعدم مبالاة بحقوق المساكين ، والا بطاقة باقي فيه شهرين توقفونها ليه ؟؟
واذا سألتهم ليه بعد ماوصلت البطاقة الجديدة ؟ يقولون لك السبب بنك الراجحي هو اللي تأخر !!! وهذا كذب ، السبب هم موقفين البطايق قبل ينتهي تاريخها ... حسبنا الله عليهم