السلام عليكم ورحمة الله وبركاته
تقرر بالمفاضلة الادراية احتساب اختبار تقييم 1 فقط
بدرجة 40% مساوي المعدل بالحسبة وهذا ظلم المفروض يحسبون اختبار تقييم 20 بالمية والمعدل 60 بالمية والاقدمية 20 بالمية
مع العلم انهم كانوا يحسبونه 20 بالمية عندما كان اختبارين تقييم 1 وتقييم 2
يعني اللي مزفت بالاختيار تقييم 1 يعوض الله خير
واللي معدله مرتفع واختباره نازل يعوض الله
واللي يدرس بالجامعة ويشد حيله ويجيب معدل ممتاز
بالنهاية يجيك اختبار بيوم واحد يحوس مستقبلك قد تكون بهذا اليوم عندك ظروف صعبة مريض عندك مشاكل

الله يعين لازم نشوف حل بالموضوع هذا ضرورة

وعليكم السلام

يفيد اللي معدلهم زفت

الاختبار عادل ,, يعطي فرصة للجميع
اشخاص تجيب معدل جيدجدا في جامعة واد ريم
وشخص اخر يجيب معدل جيد في جامعة معقدة ويكون افضل منه

فقط يحتاج لتعديل بسيط ,, انه يسمح لاي شخص ان يختبر اكثر من مره
في كلا الاختبارين حتى لو يدفع من نفسه فلوس الاختبار

الاختبار عادل للجميع
الي يجيب امتياز بالجامعه يقدر يحيبها بالاختبار السهل
عموما يحطون لنا اختبارات افضل من يحطون لنا نقاط حسب تصنيف الجامعه
لان في ناس تدخل كليات اهليه وجامعات ناشئه ويجبون معدل عالي وماعندهم علم
والعكس تماما مع الجامعات القويه
انا مع اختبار تقييم 1 و2

على الله كلها الامور ملخبطة لكن الانسان المجتهد ماراح يهضم حقه راح يجيب درجة عالية في الجامعة وفي تقييم امابعض طلبة الكليات والجامعات الاهلية فهم مجتهدون وينالون درجات يستحقونها وبعضهم لاعلى الله بس

المفروض الاقددميه 30% والاختبار 30% والمعدل 40%

هكذا التوزيع يكوون عادلاً ...

فيه جامعات ناشئة دراستهم صعبة وفيه جامعات قوية مستاهلين
اسم الجامعة ماله اي علاقة بمستوى الطلاب
لو اسم الجامعة يهم كان الغو المقابلة لاي طالب متخرج من جامعة قوية

لو تكون النسبة 50 للمعدل
50 لتقييم او اي اختبار بالتخصص

افضل

اتمنى يلغون الاقدمية لان مافيه اي علاقة بينها وبين بالعلم
زي الطالب المؤدب
ادبه مايفيده اذا هو فاشل دراسيا

ياخي نظام الجامعات اصلا غثيث

بالله وش قاعد تدرس من اولى ابتدائي الى ثالث ثانوي .. تآسيس صح

ثمن يضيع عليك سنه من عمرك تحضيري <واجهني بصراحه وقوليُ اني متورط باللي متخرجين قبلكً. وابي اشغلك بالتحضيري

الشيُ الثاني .
اختبار التقييم والله حرآم نكرف 4 سنوات ويمكن عليها زود واخرتها اختبار بثلاث ساعات يعادل شهادتك الجامعية .. يضيع مجهودك كله ..ابيك تتخيل معيُ كيف تطبق الكرتون ؟ هذا سؤال بالله

وازيدك يجيك شخص متخرج من الثانوية شرعيُ. بمعنى انه شارد عن المواد العلمية لعدم مقدرته العقليه للأستيعاب وهذي قدرات بشرية من شخص لآخر .. ويدخل تخصص غير علميُ. ثمن تجيبه لإختبار كله حسابات واشكال هندسية وتقوله يالله جاوبُ.؟

إصلا عاديُ .. حظي حلو بالإختيارات ختآمً

عادي مثل اختبار المعلمين يكون بنفس نسبة المعدل , يعتبر اختبار مهني طبيعي يساوي المعدل
اما الأخ يقول نسبة اقدمية , الاقدمية من يومها موجودة , واللي اكبر منك بيوم اكبر منك بسنة , ولا يجلس عاطل عشان الجدد كثار

اخواني من وجهة نظري توزيع النقاط المعدل 40 والإختبار 40 والأقدمية 20 اشوف انه عادل ومنطقي جداً واتمنا ان لا يتغير هذا النظام

انا حصلت على معدل منخفض بسبب بعض الظروف وغيري حصل على معدل اعلى عن طريق الغش او العلاقات مع بعض الدكاترة اللي مايخافون الله ، هل هذا عدل ؟؟
لذلك نحتاج اختبار يميز من يمتلك القدرة والمعرفة عن غيرة واللي حصل على معدل عالي بجد ويستحق اكيد راح يحصل على درجة حلووه

اتمنا جميع الوظائف تخضع لإختبار مثل تقييم 1 وتكون درجة القبول تعتمد على درجة الإختبار بنسبة كبيرة ، لأن هذا هو حصاد معرفة وقدرات الشخص ومايميزه عن غيره

والله يوفق الجميع