الشغل مو عيب بس ؟ العيب أنهك نفسي بين كتب الدراسه العلميه
و أدرس الرياضيات و الكيمياء و الفيزياء و الاحياء و بعدين أصير بياعه
طيب شهادتي ؟ ابلها و اشرب مويتها

هل الشهاده الغرض منها اني اتوظف بمجال غير مجال دراستي
هل حلم الكيميائيه أن تقف خلف الكاشير بدلا من بنش تحضير المركبات
و تفاوض في الاسعار بدل ما تفاضل بالدرجات كمعلمه ؟؟


السؤال المحير ! ليش ندرس أصلا تخصصات مايرغبها سوق العمل
قفلوها و ارتاحوا كلنا نروح نبيع ..

طيب اسم الشركه والمول كذا مانقدر نرسل

طيب وين التفاصيل وش اسم المول ووينه فيه وكم ساعات العمل والفترات عشان نعرف نقدم ولا لا

الشغل مافية عيب
وبنات كثير يبون هالوظايف
واللي اعجبني ان الراتب حليو ومشجع للبعض
وترا هم موب ذنبهم اننا مالقينا وظايف زينة!

بالتوفيق للجميع

ماقلنا شيء بالشغل ندري انه ماهو عيب بس فيه شيء اعمق واكبر من اللي قاعدين تفكرون فيه انتم همكم الفلوس كيف احصل فلوس

لكن اللي انا افكر فيه لا اكبر بكثيير شيء مربوط بتطور وتقدم الوطن في جميع المجالات بالله عليكم لو كل واحد اشتغل بتخصصه اللي درس وتعب عشانه وحصل بيئة العمل المتطوره والمناسبه له وحصل الدعم الحكومي تخيلو معي كان تطورنا في جميع المجالات

لكن اللي همه الفلوس مراح يتطور او يطور بلده فكرو بكلامي زين نبي ناس عقل وفكر

تبغين جامعية تبيع بالمول و بـــ 6000!!
اجل الثانوية بكم توظفونها بــ 1500 !!

اسال الله العلي العظيم ان يمحق عنكم الرزق فأمثالكم مأهم أهل لشكر النعمه..

خافوا الله واتركوا استغلال الناس وظروفهم.

.
.

يبا وين الثانوية الحين ماله شيء بكرا يبون عمال نظافة وعاملات نظافة ثانوية ودبلومات
الحين بدأت تندرج شروط جديده في التعين والواجب على كل صاحب مؤهل علمي يرفض هذا النوع من الإخضاع ..
طبعاً سوق الوظائف يدرس بشكل دقيق وماهو عبث تنزل هذه الشروط ..
طيب سؤال ليش أجانب وبعضهم ثانوية وماسكين مناصب قوية ومالية بعد والسعودي تعطونه شلوت برا
ترا هذا ولدكم ماله وراتبه يصب في إستثمارات البلد عكس الأجانب إللي حوالات للخارج وتاليتها سب فينا ..
الجامعيين أغلبهم أجبر على تخصصات غصبن عنه وتالي والله مافي بسوق العمل تخصصك
ليش من الأساس تفتح هالتخصص دام مافي له طلب ولا تواجد بالسوق !!
البياعات أغلبهم نساء مكسورة يامطلقه يا أرملة يامعلقه يامبهدلتها الدنيا ورضت تكون بياعه براتب تعبان ..
بأحد الأسواق دخلت محل عبايات وكسرت خاطري البنت إللي تبيع حاولت بكل الطرق أشتري ماكنت مقتنعه أشتري
قلت عشانك بس ودعماً لمبيعاتك تشتكي والله الراتب مايصفى خصميات ودوام كرف وإجازه يوم واحد والدوام شفتات ليل ونهار
يعني إللي تبيع تنسى حياتها الاجتماعية وتقبل وقفة السوق وبهدلة الزباين
ماهو إثارة إحباط بقدر ماهو إلزام هذه الجهات بتوفير قدر أكبر من الكرامة والراحه للبياعة
قلصوا ساعات الدوام بالشفت إجازه يومين بالإسبوع مثل الخلق والراتب لاتجونه خصميات يبقى حق للعاملة ما أسمي شغلتكم وظيفة أصلاً لأنها مو شيء

الاجانب مسيطرين على كل شيء على كل شيء في البلد

الاجانب الحين ماسكين السلطة في كل شيء وصار السعودي بالنظام غصب عنه يخضع لهم
ولشروطهم اللي وضعوها لنا بتأييد من وزارة العمل وبتأييد من المسؤولين اصحاب القرار اللي طبعن

هم من الاجانب كيف وصلو لمناصب كبيره مدري ؟؟ كيف قدرو يسيطرون على اهم الاماكن الحساسه مدري ؟؟

لذلك انا اتوقع خلال كم سنة ( احنا نكون الاجانب وهم يكونون اصحاب البلد )


انا ادري الجاهل او المراهق او اللي تعليمه على قد عقله اكيد مستحيل يستوعب الكلام اللي قاعد اقوله

لكن الناس اللي ربي عطاها الحكمه والعقل اكيد راح تأيد كلامي ،،،


ترااااااانا في خطر كبيييييير كبيييييير وراح ينعكس علينا وعلى البلد بكاااااااااااااارثه اجتماعية واقتصاديه وبلدنا
راح يسلب منا ..،

رجاء اللي ماهو محتاج للوظيفة نهائي لا يشارك
واللي عنده اعتراض يتفضل أبواب وزارة العمل أمامه
إنما كلام من ورى الشاشة ماينفع وفقكم الله
‘
شركة انوال إذا لم يتم الاكتفاء يرجى طرح موضوع آخر
للأسف هذا تحول لنقاش بلا نتيجة
‘
يغلق

__________________
"لله دُر أمي إذا ابتسمت
تهادت جروح قلبي والتئمت"