24-11-2015, 08:44 AM
|
عضو جديد
|
|
تاريخ التسجيل: Aug 2015
المشاركات: 26
معدل تقييم المستوى: 18
|
|
مشورتكم تهمني جدا عساكم في الجنة
♭⋆ إلًـســڵآم ؏ـڵيُگّم
عندي مبلغ حدود 50 الف ريال ومحتار بمشروع لي اكثر من شهرين فكرت ب حلاق وفكرت بكوفي لشاهي المغربي وفكرت في بقالة وفكرت في مغسلة ملابس وفكرت بمكتب خدمات واخيرا قلت مالها الا بوفيه مصريه طعميه
الحلاق بيشتغل معك يعطيك ع الكرسي واختلفت معهم بالاسعار اللي عنده طريقه افضل يتفضل علي لمعامله العمال
الكوفي المغربي لابد عمال من الجنسية المغربية ومايشتغلون بالراتب وصعب تلقاهم
والبقالة لابد تكون سوبر ماركت كبيرة ولا لاتفتح ومكاسبها 10٪ فقط ع حد قولهم ولا بد تآجر البقالة ع العامل لانها صعب تجرد يعطيك 1500 الشهر وفوق هذا كله ماتلزم هالتعب كلة
مغسلة ملابس اليمنة مايشتغلون بالراتب يقولك اشتغل 6 شهور اذا مشت استاجرها منك واعطيك 2000بالشهر واذا 6 شهور بالبدايه راتبي 2500 ريال وبعد نكبة
مكتب الخدمات رخيص وجدا جميل بس ماتوفقت في الموقع ولا يدرء ذهب كتقديمات وظائف حوافز وأبشر وتعقيب بالجوازات ومكتب العمل
واخيرآ البوفيه حصلت لي محل أجارة الف ريال الشهر وقريب من مدارس وشارع حيوي وماشاءالله الحي كله ورعان ولا توجد بوفيه بالحي ومتورط بمسلتزماتها ولا عندي خبرة فيها اللي اعرفه عامل مصري يجيد الطعميه صح وراتبه 2000 ريال يعني بالجنية 4 الاف تكفيه وأعطيه نسبه اذا نجح المشروع واللحين بصدد ادور هالعامل
حسبتها يفتح 6 الصباح ل 10 بالليل ويدخل اقل الايمان 250 ريال باليوم يعني بالشهر 7500 ريال
2000 راتبه مع انها كثيرة بس لابد أكرمه
اجار المحل 1000 ريال
500 كهرباء
1500 مقاضي للمحل
مجموعها :5000 الاف ريال
الصافي لي 2500 ريال
وش رآيكم بها المشروع احتاج مشورتكم جعلكم من أهل الجنة جميعا واللي عنده خبرة بدخل البوفيه من تجربه يعلمنا ولكم دعوة صادقة من القلب وفقكم الله .
من الجوال
|