السلام عليكم ورحمة الله وبركاته
اخواني اسعد الله اوقاتكم بكل خير
الحقيقة انا فتحت مطعم وجبات سريعة وكلفني المطعم اكثر من 150 الف ريال وعمال ومكتب عمل وكشف واقامات للعمال وكل يوم ادفع اشياء لم احسب لها حساب حيث اني دفعت ايجار 6 اشهر قبل ان افتتح المحل ومن ثم دفعت الـ 6 اشهر الثانية وانا الان محتاج الفزعت منكم جزاكم الله خير الجزاء واحتاج الارشاد والنصح .
العامل الذي كان قد شجعني على فتح المطعم صار عليه حادث وسافر لبلده والعمال الي جبتهم طباخين جيدين من ناحيت السلطات والبرجر والفلافل والبطاطس ولاكن المشكلة لا يعرفون للبرستد مع المحاولات العديدة لم ننجح في عمل البرستد !!
الي يقدر يفيدني كيف يتم عمل البرستد لا يبخل عليه كل المطاعم رفضوا ان يخبروني او يساعدوني والمشكلة اني مقترض واريد سداد القرض الله يجزاكم الجنة .
ماهو الدجاج الافضل المبرد او المجمد
والخلطة وطريقة عملها
الي يقدر يخدمني ارسل له العامل يدربه وياخذ اتعابه وياخذ دعوة في ظهر الغيب

اللهم امين يااخي موقعي في ضواحي المدينة المنورة

الله يعينك ويسهل امورك

طيب الحين المطعم شغاال او متوقف علشان البروستد!!

وش رايك تحاول تدور لك شخص عنده عامل لتنازل وتاخذ العامل او عامل متفرغ ويعرف ابروستد خاله يتشغل عندك الحين يعرفون العمالة الي عندك

حياك الله اخوي خالد
المطعم شغال ولله الحمد بس البرستد موقفينه وعامل والله مالقيت عامل معك علم مكاتب العمل ماهي مقصرة تطاردنا من مكان الى اخر ودي من عنده خبرة يفيدني او يعرف عامل ابن حلال يفيدني وله اتعابه حتى لو يجي ويدرب العمال اعطيه حقه مثل مايطلب العمال عندي جيدين لو يجيهم يوم واحد او ساعه وحدة ويعطيهم الطريقة يفهمونها على طول الله يجزاك خير على النصيحة واطمع منك بالمزيد

الله يوفقك ويباركلك في مشروعك وبالنسبة للبروستد يكون عندك المكينة الخاصة بقلي الدجاج ويفضل الدجاج الطازج أو المبرد أنا أعرف صاحب مطاعم معروفة للدجاج المقرمش عامله مزرعة دجاج توردله دجاج طازج ومن المزرعة إلى المعمل يتم تنظيف الدجاج ويجي الى المطعم مقطع ومبهر وجاهز ويتم تقليبه في الدقيق ووضعه في المكينه وأنصحك تعلن حاجتك لعامل خبرة في تحضير البروستد في المواقع الإعلانية وإعذرني عالاطالة

__________________
كن بلسماً إن صار دهرك أرقما ....... وحلاوة إن صار غيرك علقما

اخوي نصيحتي لك رح اي مطعم برست و امسك احد العمال وهو رايح المسجد قوله بعطيك 1000 ريل اذا علمة عمالي طبعا الاخ بيوافق و بيدبر وقة فراغ مثل الصباح وكذا يجيك مدة اسبوع يعلمهم و تذكر امسكه على انفراد يعني محد يشوف لا اخويه ولا احد
هذي الحركة مجربة في مشروع مطعم بيتزا لاكن الحمد لله لم نحتاجها في النهاية

طريقة عمل البروستد

وهنا بالفيديو

الله يجزاكم خير ويسمح دروبكم ويرزقكم في الدنيا الصلاح وفي الاخرة جنة عرضها السماوات والارض

حابة اضيف الى نصائح المشاركين لازم تهتم كثير بالتتبيلة تكون مكوناتها طازجة وليست قديمة مهم جدا لاضفاء نكهة الى الدجاج
موضوع القلي سهل بس خصص شخص بالمطعم مسؤول عن التتبيلة .. وتستخدم طريقة تقرمش الدجاج


للامانة انا ما أتناول البروستد الا مضطرة .. تمناتي لك بالتوفيق وربي يسهل امورك