في موضوع حاب اتناقش فيه معاكم وحاب اخذ ارآئكم فيه
في السوشال ميديا ملاحظين جميعا كثرة الاعلانات الشخصية للصفحات والمواقع ..ويكاد في بعض الاحيان تكون التعليقات الي تكون اعلانية اكثر من التعليقات المتعلقة بالموضوع ...
ابي اعرف وش رايكم في هالظاهرة وكيف ممكن تعطي حلول لهذي الظاهرة ووش تقترح لتجنب هالمشكلة بحيث انك تعلن لكن ماتكون مزعج لصاحب الموضوع ..
راح ارجع لكم بحلول واقتراح بس حاب نتناقش مع بعض في هالموضوع بالاول ...

اهلا بك اخي الكريم

التعليقات خارج الموضوع الاساس وخاصة بالاعلان بالتأكيد مزعج ويعتبر تطفل من المعلن .

وبتاكيد صاحب الحساب او الموضوع راح يعمل حظر للمعلن.

الوضع مزعج جدا بالفعل ، والحل من وجهة نظري طريقه سهله جدا لزيادة عدد المتابعين بأسعار تنافسيه ثم بالتالي يسهل على هذا النوع من البشر استخدام هذه الطرق للوصول إلى مبتغاهم وبالتالي تقليل هذه الظاهره.

- من الممكن ان تكون هناك مواقع تسهل الحصول على النقاط والدولارات بابسط مايمكن وبطرق تقليديه سهله للجميع للسيطره على ظاهرة الدفع لزيادة المتابعين وبالتالي السيطره على ظاهرة الاعلانات المزعجه جدا للجميع وخصوصا المشاهير في المواقع والتطبيقات الاجتماعيه.


احترامي
اخوك محمد

لا ابدا مانت غلطان ، لكني وضعت حل يرضي بعض العقليات البسيطه اللي تبحث عن اسهل الطرق للانتشار ولو كان بازعاج الاخرين ، بالنسبه لهم العدد اهم من التواجد ولهم ايضا اعلانات عن التعليقات مو بس الاضافه وزيادة الاعداد وهنا بالنسبه لهم حل مرضي جدا وتواجد افتراضي لاشخاص احتمال كبير يكونون وهميين مايهمهم .

بالنسبه لي شخصيا :

راح اشتغل بالجهد الذاتي فيه عملية ربط للحسابات باتفاقيات معينه بين اصحاب الحسابات حتى لو كان بمقابل مادي لكن المضمون اهم عشان يكون البناء على اساس صحيح.

الاعتماد على العدد الوهمي في البدايه ينطبق عليه ( مابني على باطل فهو باطل ) والباطل يبطل نفسه وهذا هدم مو بناء.

الحسابات الوحيدة اللي مايتعبون فيها اصحابها بجمع متابعين هي حسابات الضحك والتفاهات << حقيقة مضحكة

المشكلة عندنا لازالت بالفكر والوعي والثقافة والاداب
هذه المواقع والحسابات كلها بالانترنت وعالم مجهول بس تكشف واقع مجتمع وحقيقته
لو فيه فكر, الحسابات المفيدة والفعالة والتجارية بتثبت نفسها عن طريق دعم بعضها والتعاون فيما بينهم


حتى الاعلانات المدفوعة الحين ماتجيب خير وتعتبر خسارة لصاحب الاعلان
تدفع مبالغ كبيرة ومايزيد متابعينك الا مية او ميتين


المسابقات يقولون تجيب متابعين كثير خصوصا لو كل فترة تسوي مسابقة وتقدم جوائز
بدل ماتدفع ألفين لحساب يعلن لك , اشتري جهاز جوال ولا منتجات بهذا المبلغ او من بضاعتك طلع منتجات تكون هدية وجائزة للفائز
وشوف ازدياد المتابعين كيف وحط شرط الحسابات الوهمية والمخصصة للمسابقات غير مقبولة
هذه افضل طريقة فعالة بإعتقادي