السلام عليكم ورحمه الله وبركاته

انا موظفة في القطاع الخاص وان شاء الله ناوية اخذ قرض واحتمال يعطوني 75 الف

ابشتري سيارة فان نوع جمس سافانا
و زوجي هو اللي بيودي المعلمات
وبيكون بيني وبينه الدخل النص بالنص
ويكون له زيادة 1500 حق السواق
وبيقسط علي نص مبلغ السيارة وتكون لي وله السيارة
وهل ازود عليه سعر القسط او لا
مدري شرايكم احس هو المستفيد اكثر
انا اشوف اجيب سواق افضل لي لكن هو رافض
وهل لازم ترخيص للنقل عشان نقطة التفتيش

شوروا علي انا توني مابديت محتارة
او اغير المشروع كليا
وهل عندكم مشروع يناسب مبلغ القرض
نورني الله ينور عليكم

والله انتي وزوجك محد له صلاح بينكم
هههههههههههههههههه
لكن يمكن 1500 يقصد بها بدل بنزين و اصلاحات وكفرات وغيار زيت يعني مصروف الفان و مبلغ منطقي والباقي نص نص
يعني 1500 كأنها تروح في فاتورة كهرباء او ايجار محل
لكن الفان 8 سلندر ويصرف بنزين وراح يتعبه فما اعتقد انه راح يستفيد من ال 1500

عموما الله يوفقكم ويسعدكم
و شي حلو الشفافية بين الزوجين
والله يوفقكم

موفقه حبيبتي 💗💗

نصيحه لوجه الله لاتشاركين زوجك باي مشروع لانك الخسرانه في كل الحالات والواقع والتجارب الحيه هي اكبر دليل
القرض باسمك واي مشكله عليك ولو سحب عليك انتي اللى بتتحملين الاقساط

اخيرا معلومه لك ولاي وحده حابه تنقل معلمات اذا كنتي بتنقلي من مدينه الى قرى يعني مسافات طويله المدرسات مايركبون الا مع سعودي اما اذا كان النقل محلي داخل المدينه عادي اجنبي
وبالتوفيق

يسموني زرقا اليمامة لاني اخبرهم بشي ومايصدقوني وبعد مدة يقع سوا الخبر طيب ولاسيء
اذا مافهمتي راسليني خاص

انصحك لا تشاركين قريب او صديق حتى ما تخسرينهم
وانا كمعلمة ما احب اركب مع عربي مو بس سعودي
نجلس في الطريق بالساعات ونسولف ونفضفض وكل وحدة تشكي للثانية، مرتاحين لان السواق ما يفهم عربي
وما اتخيل الوضع لو كان السواق عربي..

استخيري الله قبل كل شي والله يوفقك