السلام عليكم

ما رأيكم في التسويق العقاري او العمل كوسيط عقاري بين البائع والمشتري في الاراضي والعمائر ووو الخ والحصول على عمولة

انا مبتدئ قليلا في هالمجال ...فهل تنصحوني به؟
وهل ممكن ان ننفذ بيعات ونحصل على مبالغ عالية من خلالها
او المسألة تضييع وقت بدون فائدة؟

اريد تجاربكم

هناك مالك عمارة عرض علي عمارته بسعر 11 مليون
فما هي الاسس والطرق لجلب الزباين؟؟

اهلا اخي الكريم
بصراحة فيه مكاسب كثيرة و انصحك تدخل فيه
بس يبغاك تكون مفتح و تعرف الزبون جيدا اذا يضيع وقتك والا جاد ...و بحكم خبرتي القليلة بالمجال هاذا انصحك بتعامل مع مباشرين لان مكاتب العقار ما يفضلو الوسطاء الكثيرين ..

انا بصراحة ما استمر لانه بنت و صعب احضر اللقاء و اشوف تمت البيعة او لا ..فاكيد بيضحكو علي و يقولو ما بعنا و ياخدو حصتي .

عشان كذا اتجهت للالات و هي مشاريع تبع شركات امسك عقودها و ابحث عن اصحاب قلابات و اخد عمولتي عند توقيع العقد و بحضرة محامي طبعا ..
و طبعا عمولتك ما تجي اقل من ٥٠ الف ريال في توفير اقل شي ٣٠ قلاب ..
و الاغلب مليون او نصف مليون .

و لاني في بداية الطريق ادعولي انه اتمم المشاريع اللي عندي و اخد عمولتي


انصحك بموقع اسمه حراج ..اعرض اعلانك و اكتب المكان و العرض و رقمك للتواصل او رسايل خاص

و ان شاء الله ربي يرزقك و يرزقنا

السلام عليكم لدي خبرة في المجال منذ سنين طويلة والمجال مربح جدا وفيه خير كثير لكن من الان اقولك

المجال هذا يحتاج صبر وجلد ماله حد يعني لو اقولك تشتغل شهر 6شهور او سنة ونص بدون راتب بتوافق؟

هذا الي يصير الان ممكن تنفذ بيعات في شهر وممكن تجلس سنة مابعت شي

اذا نفسك طويل ادخل اذا عجل وتبي دخل سريع ابتعد نهائيا عن هذا المجال لانه مايصلح لك

عموما الان خلها فترة تعلم لك لان السوق 99% راكد وفي مكاتب تقفلت لكن اذا طاح السوق راح ينتعش البيع والشراء من جديد

بالتوفيق

مشكورين ولا عدمناكم

بالنسبة للقلابات ترا كلها نصب في نصب ومضيعة وقت وخرابيط ومافيه شيء حقيقي ابدا لحد يضيع وقته وجهده فيها
و اي شي فيه وسطاء انا لا ادخله نهائيا

العقار فيه ركود صحيح اخوي ولكن معقولة مافيه زبائن نهائيا؟؟
الركود منذ 3 سنوات حتى الان لم يتغير شيء!!! متى تتوقع يتغير الوضع؟

حسب علمي العقار والوساطه يبغالها قوة عين عشان حقك ماينآكل .. يعني وساطتك ماينسحب عليك فيها لان اصحاب الذمم الصاحيه قليل وممكن يوسع ذمته عشان يسحب عليك وعلى دلالتك اذا وصل للبائع دايركت ..

سوق العقار مدحدر
و لا عاد فيه شغل و لو تجيب لك زبون يطلع لك عشرين مكتب يبي السعي وكيل الارض او العمارة يبي سعي

الله يرزقنا ويرزقك

والله حلو بس وين صاحب الذمه


واحسن شي تشتغل مع شخص تعرفه او عن طريق معرفه

التسويق العقاري ممتاز جداً , و أذا أجتهدت وعرفوك الناس فسيرزقك الله بإذن الله تعالى من حيث لا تعلم
التسويق العقاري مشاكلة كثيره جداً , وخصوصاً للمبتدئين في مثل حالتك "ليسوا أصاحاب مكاتب" يدخلون في مشاكل كثيره جداً من حيث أكل الحقوق و الخ ...

وانا الآن لدي خبره ولله الحمد 5 سنوات تقريباً في هذا المجال و اذا اردت أستشاره لا تتردد في الأتصال 0542327775 أبو سامي

و أسأل الله لك التوفيق

مشكورين
ولا زلنا في انتظار افادة الباقين