بسم الله الرحمن الرحيم
اخواني واخواتي انا متزوج والحمد لله ومدرج بالضمان الاجتماعي مع زوجتي والكل يعرف ان الشخصين يصرف لهم مبلغ وقدرة 1200 ريال شهرياً

تكفون ممكن توضحون لي كيف اتصرف بذا المبلغ وكيف ادبر عمري وحياتي من اجار شقة ومصاريف معيشة ومصروف للجوال والسيارة ووووو الخ

لا احد يجي لي ويقولي قل الحمد لله لاني حامد ربي على كل شي ومؤمن بذلك لكن انا حابب استفيد من الاخرين كيف يتصرفون بذا المبلغ حتى نهاية الشهر حتى اعرف ادبر نفسي وعمر مع العلم الحمد لله انا غير مصرف واقتصادي من الدرجة الاولى وسبب ذلك هو قل المادة الي خلاني اعمل كذا .
* اوقات الشخص نفسة يشتغل بشركة بمبلغ اعلى من كذا لكن اخاف ان اطرد بيوم من الايام لاني بصراحة عندي مرض ( الانيميا المنجلية ) واتعب كثير من الجهد او تغير الاجواء يعني اخاف بوقت انطرد واخسر الجهتين (العمل و الضمان ) والجميع يعلم ان الي يشتغل على طول الضمان يفصلونه .
واوقات الشخص ودة يسجل سعودة (العمل عن بعد) حتى يعيش ويعيش اهله بمبلغ اعلى من مبلغ الضمان ويستطيع ان يواجهه ارتفاع الاسعار بكل شي .
الحمد لله على كل حال
حسبي الله على كل ظالم والله المستعان

أسال الله عزوجل ان يرزقك ويوسع عليك أذا كنت تقدر تشتغل اشتغل بشركة وافرض وجودك وحتى لو فصلوك في برنامج بوزارة العمل يصرفولك مبلغ حتى تلتحق بعمل اخر انت أبذل السبب ورزقك على الله

الحمدلله على كل حال

ايش اقول بسس جبتها على الجرح وكنك مادريت 😭

لكن لازم تدور اي شغله من دون تأمينات عشان الاجار واي وظيفه من دون تأمينات تجيك بسيطه بس الشغل مو عيب
اشتغل ببقاله بسوق الخضره بالحراج والله ياكثر الاشغال عندكم
نحنا الي مانلاقي شي

اللَّـَـَـَـْـْہ يرزقك ويعينك يارب

ياعمي اشتغل حارس أمن بدون تأمينات 3500 وريح عمرك
والأنيميا تقدر تسيطر عليها لو انت جاد وتبي شغل
والله يوفقك.

بما انك مسجل بضمان لان عندك انيميا اكيد بعد تاخذ من التاهيل الشامل ؟؟
ولي مسجل بتاهيل يقدر يتوظف عن بعد ب4000
وفي وظايف ب 5000
عن بعد
واصلن يوظفون معاقين اللي مسجلين بتاهيل بوظايف مريحه جدآ
سجل بشبكه سعوديه لتوظيف ذوي اعاقه
او موقع
حقوق المعاق
وفي بالمنتدى قسم لوظايف معاقين بعد
او اذا عندك سياره حولها تكسي
او اشترك ب اوبير سعوديه ابحث عنهم بجوجل
او سولك بزنس صغير

اذا بتجلس تعتمد ع الضمان عمرك ماراح تقدر تأمن حياتك ولامستقبلك ومستقبل اولادك !
انت رجال حتى لو مريض الحمدلله تقدر تشتغل شغلات تناسب طبيعه مرضك وبدون تأمينات وبدون تفصل من الضمان
والله انتم الرجال قدامكم فرص عمل كثيره بس معتمدين ع الضمان ياليتني رجال بس اقلها تاكسي واشتغل عليه اوصل طلاب ومعلمات ومشاوير والله تطلع ذهب
لاتجلس كذا !

الله يعينك يأخ سهوان 1 فعلاً 1200 ماتفتح بيت أنت معذور مرض تكسر الدم مرض متعب خصوصاً النوع الشديد وإن شاء الله تتوظف بوظيفه تناسب طبيعة مرضك أفضل من الضمان والله يشفيك ويشفي كل مريض وسالفة أنك تبغينا نعطيك حلول أقتصاديه لتدبير شؤنك والله ياخوي 1200 إذا عندك أجار أو ماعندك مالها حل طفسة ربي ينتقم منهم يعطونا الفتات وهم الرزم اللي يالله تدخل الخزنه من كثرهم وحنا هالطفسة من قلها تطيح بالشوارع ماندري عنها

وعليكم السلام

سهوان


ليه يااخي تنقص المعاش عدد 2 يصرفلهم 1285 ماهو 1200 ههههههههههه

تقول لايجي احد ويقولي قل الحمد لله لأنك حامد ربك

لا انا اقولك احمد ربك واذكرك بعد انك تحمده
المهم تحرك يمين وشمال والله لو تروح لسوق الخضره وتشتري 100 صندوق برتقال و50 صندوق بندوره ومن بعد صلاه الفجر وحتى الساعه 10 صباحا غير تنبسط وانت جالس او حتى مشاوير بسيارتك

كل امر نبغى نسهله يسهل بأذن الله وكل امر نبغاه صعب حيصعب
ربي يوفقك ويسعدك

الله يفرج همك وييسر امرك والله لو بنعتمد على الضمان 10من الشهر على الحديدة
لابد انك تشوف اي شغل ثاني وحتى اهلك ممكن يساعدونك يد وحده ماتصفق