السلام عليكم ورحمة الله وبركاته

اارجوامنكم افادتي تم اسقاطي بسبب زياده مبلغ الضمان وليس لي اي دخل آخر

ولا اعرف سبب الاسقاط

وهل ارجعهم وماهو المطلوب مني

وعليكم السلام
ابشري اختى
هل سافرتي للخارج او وضع اسمك بالتأمينات

لابد من مراجعه الضمان ومعك الهويه وبطاقه الضمان وسيحل وضعك بأذن الله

وعليكم السلام
راجعي الضمان والله يوفقك ويسهل امرك ياارب .

انا موجوده هنا ماسافرت ولايوجد اسمي بالتأمينات

ولي خمس سنوات اخذ الضمان وتفاجأت بالاسقاط

بس وش دخل السفر للخارج في سعوديين ياخذون ضمان وهم بالخارج

لا خلاص الان اي بني ادم يسافر للخارج الضمان يلغوه عليه 90 يوم ولا شهرين ونص خلاص بدأو يضيقون على الناس او تحديث بيانات
بس شوفي الان تأكدي لايكون احد مستغل اسمك بالتأمينات ادخلي على هذا الرابط وبعد كذا راجعيهم
http://www.gosi.gov.sa/portal/web/gu...stration-state

دخلت مافي اسم لي بالتأمينات براجعهم واشوف السبب واله يعين

مع العلم انا متواجده لآني قبل شهر رجعت من الخارج كنت ارافق الوالده للعلاج جلست تقريبا ثلاث شهور

مع العلم راتب الشهو الي فات نزل لي

لكن لو راجعتهم يرجعوه لي على طول والا انتظر

شكرا اخوي المنتصر للرد علي

الان اتضح السبب السفر للخارج راجعيهم وفهميهم بالموضوع ويعاد الضمان عبر لجنتهم

اول شئ روحي للضمان وخذي معك تقارير طبية ثبت مرض الوالده الله يشافيها وانها تتعالج بالخارج

واشرحي لهم الوضع واطلبي اعتراض على الاسقاط وبيعرض موضوعك على لجنه وان شاءالله يسجلونك

كمستفيد جديد بالضمان زي ماصار معي

الله يسهل امورك

قبل كل شي اشكر الاستاذ المنتصر بالله الله يجزاك خير للتوضيح واشكر الي ردوا علي شكرا جزيلا

تو رجعت من الضمان واستفسرت وفعلا بسبب الثلاث شهور مع امي علاج بالخارج

الغريب السنه الي فاتت قضيت اربع شهور ولااقطعوا الضمان

قالت الموظفه القرار جديد ولازم تسجيل جديد وطلبت برنت من الاحوال وصك الطلاق وبطاقة الاحوال

فَصَبْرٌ جَمِيلٌ وَاللَّهُ الْمُسْتَعَانُ عَلَى مَا تَصِفُونَ

الله يفرجها على المسلمين المحتاجين وان يقضي دينهم وحوائجهم ويعينهم ويرزقهم من حيث لايحتسبون