السلام عليكم ورحمة الله وبركاته
اسعد الله اوقاتكم بكل خير
يا اخوان عندي ونيت غمارتين وساكن في مكة
لو احد عنده اي مشروع ليا يتفضل بالله

انصحك تنسق مع اصحاب الاثاث للتوصيل

فكرة جيدة @محمد الرشيدي
وننتظر افكار اخرى من باقي الاخوة

عندك حراج الخرده في الويكند وعندك سوق دواس ونسق مع محلات الاثاث ونسق مع المحلاث اللي في الدواس اذا يبون بضايع توصلها

بالتوفيق الله يرزقك

فكرة جيدة @بكيفي انا حر
وننتظر افكار اخرى من باقي الاخوة
مشكور علي مرورك

اخ عبدالرحمن لك رسالة على الخاص

شفتها يا اخوي الله يسعدك تم وتوكلنا ع الله

اشتري ( جح - بطيخ - حبحب ) وبيعه قريب من الحرم او قريب من التجمعات السكانية
تشتريه من سوق الخضار بالجملة تعبي صندوق الونيت من 300 الى 400 ريال تشتري الحبة بـ 5 ريال وتبيع الحبة بـ 15 ريال
او تشتري 50 حبة الحبة بـ 5 ريال يعني 250 ريال
واذا بعت الحبة بـ 15 ريال يعني ربحك 10 ريال × 50 حبة = 500 ريال ربح صافي
يعني ربحك 500 ريال فوق راس مالك اللي هو 250 ريال

هذا في بيعة وحدة من يوم الى 3 ايام تخلص الصندوق وفي جيبك 500 ريال
وكلها ساعة الى 3 ساعات باليوم

وناس كثير داخله فيها خصوصا الاجانب .. ومدخلين ذهب منها .. ما يبيلها غير شوية حركة وتوكل على الله والرزق بيجيك وانت واقف

واحنا الان بداية الصيف وهذا موسم البطيخ

ابدأ بها كبداية وتجربة جديدة .. اذا شفت انها مش مناسبة معك انت ما راح تخسر غير 250 ريال وتجربة جديدة عليك تستفيد منها

والرزق بيد الله ما هو بيد عبادة .. توكل على الله وابدأ .

..

مشكور اخوي مختار الله يسعدك فعلا فكرة جميلة جدا وخليني اجرب مني خسران شي @وننتظر باقي افكار الاخوة

اللهم اصلح لي شأني كله ولا تكلني إلى نفسي طرفة عين لا إله إلا أنت سبحانك اني كنت من الظالمين