السلام عليكم جميعا
انا لقيت وظيفه بحمدالله ولكن مباشرة العمل ليس الان ، عموما مشكلتي هي اني من اول ماجيت الشركه عشان اعمل المقابله والشركه ملاحظه اني " بارده وهادئه " على حد قولهم ، فاذا هذا الشي مو عاجبهم من البدايه اجل ليه قبلوني
للوظيفه؟؟!!!!!!
مع العلم انه الشركه دي شركه محترمه جدا
المهم اللي سار انه كل شويه يقولولي كده ...
وصارحتهم وقلتلهم اذا انتو مو مقتنعين بيا كموظفه عندكم اجل ليه وظفتوني؟؟ قالولي لانك فاهمه وعندك خبره
وفيه شي تاني الصراحه ، موظف ال اتش ار حقهم انا اسأله اسئله كتير جدا بخصوص العمل واحيانا اكرر اسالتي المهم الرجال بدا يتضايق ويجاوبني بطريقه كاني غبيه قدامه وقلت له ما تعاملني كده لو سمحت حتى لو اللي قدامك انسان غبي المفروض ما تعامله كده ... المهم اعطيته على راسه وبعدها اعتذر وقالي انا اسف .. ومن بعدها سار جدا صارم ورسمي معايا
وهذا اللي سار ... وانا الصراحه متردده استمر والا لا في دي الوظيفه لانه اذا من اولها كده اعتقد ما رح يكون فيه ترقيات بعد كده...
الصراحه مدري احيانا احس انه اسلوب تطفيش من البدايه!! لكن قلت لنفسي ليه حيطفشوني وهم يقدروا يتخلو عني بسهوله لانه لسه ما مرت الفتره التجريبيه
عالعموم هذه هي مشكلتي وانا والله سرت جدا متردده اكمل معاهم والا لا
مع العلم الشركه شركه قويه ومحترمه ولها سمعتها ...
حبيت اسمع ارائكم واسمع لنصايحكم

ما خاب من استخار
وانت لا تبدئي معاهم بمسألة الحقوق والواجبات والاساله لان الموظف دائماً موقفة ضعيف ولو حسوا انه فاهم جداً ويريد يفهم كل شىء بسرعة تصير المشاكل على رأسة ولا يستفيذ اصبري وخليك رزينه واحفظي نظام العمل للمستقبل وعدي الاستهبال بكيفك هذا نظام كثير من المسؤولين في الشركات مع البنات.