السلام عليكم افكر في توزيع مواد غذائية ولكن هناك مشكلة كيف اعرف الاسعار يعنى كيف اعرف بكم يشترون اصحاب البقالات انا جديد في هذه المهنة

مساء الخير

عادي ..
الشغلة يبيلها شوية حركة وجمع معلومات فقط
1. تنزل السوق سوق البقالات والجهات المستهدفة من سوبر ماركات وغيرها وتسألهم بكم تشترون هذا وهذا وهذا ..
ويكون معك دفتر ابو 40 ورقة .. وتكتب فيه الاسعار لكل بقالة وسوبر ماركت
وبعدها تقارن الاسعار بين هالبقالات والسوبر ماركات اذا هي قريبه من بعض فهذا هو السعر .. يعني لو قلنا كرتون المكارونه الاول يشتريه بـ 20 ريال والثاني بـ 25 ريال والثالث بـ 27 ريال
يعني يكون المتوسط للسعر من 22 ريال وهنا انت لازم تشتريه بأقل من 20 ريال عشان تربح منه يعني تشتري الكرتون بـ 15 ريال عشان تربح من 5 الى 12 ريال من الكرتون الواحد .

2. تروح تشتري البضاعة من الجملة .. اذا خضار او فواكه ومواد غذائية اذا انت بالرياض عندك سوق العزيزية جنوب الرياض فيه هالبضايع تنزل هناك وتشيل منهم .. وقبل لا تشتري البضاعة لازم تكون متفق مع اكثر من بقالة وسوبر ماركت انك راح تجيب لهم البضاعة بالفاتورة .. عشان ما تبلش بالبضاعة وما تتصرف معك لو ماكان فيه اتفاق مسبق مع اللي بياخذ البضاعة .

3. لازم يكون معك فواتير لك عشان تكتب البيع وتوثقه .. حفاظا ً على بيعك ويكون مستند حافظ لحقك .. وتطبع الفواتير عند اقرب مطبعة كمية جيدة لك ..

4. اشتر البضايع حق يومين الى اسبوع عشان ماتروح وتجي للسوق .. وتصريفها يكون الصبح بدري عشان تريح الظهر .. ويكون عندك مستودع صغير تخزن فيه هالبضايع عشان ماتخرب معك .

ادري طولت لكن هذي شوية افكار طرت على بالي والله يرزقك

محلات الجملة عندهم موزعين
رح لهم ودور واحد يشغلك عنده مندوب توزيع وتأخذ بضاعة عالتصريف
اتوقع لو تشتري من محلات الجملة يبيعوك بنفس السعر حق البقالة وكذا انت خسران

الله يوفقك

مشكورين

اقترح عليك توزيع الخضار والفاكهه باالاجل
اشوف انها مجديه اكثير من المواد الغذائيه
لكن الاهم تتعاقد مع المطاعم والبوفيهات وشركات الاعاشه وتورد لهم حسب الاتفاق معهم
مربحه عن تجربه الله يوفقك