السلام عليكم .....
مبرووك على اجتيازكم الاختبار ... المقابلة الشخصية راح تكون كالتالي :
1 اول ما تجي الهيئة تعطيهم بياناتك ثم تنتظر موعد المقابلة .
2 راح يدخلونكم زي المسرح ويوزعون عليكم اوراق عباره عن موضوع تكتب عنه والموضوع يكون من اختيارهم (مثل اثر الجريمة على المجتمع ) وسؤال ليش اختر الهيئة .
3 المقابلة راح تكون عن تخصصك اذا قانون اسئلة قانونية واذا شرعية اسئلة شرعية . لكن لا مانع قراءة التخصص الثاني .
4 خلك في المقابلة كما انت لا تتصنع لان اللي يقابلونك على علم بالشخصيات .
5 المقابلة مكونه من اسئلة تخصص و اسئلة شخصية مثل اهتماماتك ، وش تقضي اوقات فراغك فيه ..اكرر لا تتفلسف خلك كما انت ... وأسئلة عن المرأة وش رايك في قيادتها ومن هالنوع خلك دبلوماسي مثل قيادة المرأة في الوقت الحالي ستزيد من معدلات التحرش ولا يوجد قانون يردع المتحرشين والقاعدة الشرعية تقول درء المفاسد مقدم على جلب المصالح (الجواب كمثال) .
6 بعد المقابلة راح تقابلون صاحب المعالي .. بعدها تتيسر على بيتكم والله يوفقكم .. اتمنى اني افتكم وفالكم التوفيق .

دعواتكم .. محدثكم من الدفعة السابقة

الفحص الطبي احسب بعد اخر يوم للمقابلات شهرين وراح يتم الاعلان عن موعدها راح يكون كل يوم 20 او 15 طالب .. والمجموع ما راح يتجاوز 180 طالب مجتاز للمقابلة .

من الواضح استعجال الهيئة باجراءات هالدفعة، اعتقد المباشرة بتكون وحدة مع الدفعة السابقة

الدفعة السابقة من المتوقع ان تباشر شهر رمضان او بعد العيد والفتره هذي الدفعة الحالية لم تنتهي من الفحص الطبي ويتبقى لها المسح الامني.. اتوقع اذا الهيئة مستعجلة بالاجراءات راح تباشرون شهر 4 او 6 .... من المستحيل أن تباشر الدفعتين في وقت واحد وذلك بسبب ان مقاعد الدراسه لا تكفي لإستيعاب دفعتين ... وفي كل الأحوال الله يكتب ما فيه الخير لنا ولكم يوفقنا وإياكم... دعواتكم.

1 بالنسبة للإستفزاز بالمقابلة قد يرد ولكن بنسبة قليله.
2 بالنسبة للاجابة فالافضل تكون لا أعلم اذا ما تعرف الجواب ولا يحضرني اذا كنت ناسي الجواب .
3 بالنسبة لقوة الملاحظة قد يأتي سؤال عليها .
4 الشخص اللي يسألك لازم توجه الجواب له ما تجاوب وانت تناظر شخص اخر... والشرود القليل لا يؤثر .
5 بالنسبة للتعريف بالنفس كان جوابي بالاسم كامل ثم خريج جامعة كذا تخصص ..... بتقدير ... فقط لا غير ثم قام احد اعضاء اللجنة بسؤالي.. نقطه مهمة قبل دخولك للجنة قم بالاستأذان وذلك بطرق الباب مره او مرتين ثم الدخول واذا قربت منهم القي السلام ..

وبالتوفيق لكم .. دعواتكم .

يكون باللفظ