السلام عليكم ورحمة الله وبركاتة


باختصر

الموضوع هنا عبارة عن استفتاء عن وش هي الاسباب التي تمنع السعودي من الدخول بالتجارة

وماهي ابرز المشكلات الي يواجهها


وماهي اسباب الفشل في حال خاض التجربة


اتمنى من الجميع المشاركة وكلن يكتب وجهة نظرة عن هذا الموضوع


واصحاب التجارب نتمنى ان يكتبو لنا عن تجاربهم ونتائجها


والهدف ايجاد الحلول وايجاد افضل الطرق لدخول السوق

ودمتم في خير

انا احتاج شريك سعودي بأي مشروع يكون هو مشرف عليه ، بالنسبه للسبب الاغلب يفتقد لرأس المال ، وعدم التفرغ للتجاره ، لانها مو مضمونه ممكن تكسب وممكن تخسر ، فيبحثون عن وظيفه ، وأغلب المشاريع والفرص الممتازه والمواقع الكويسه ، تحصل الأجنبي شغال فيها

عدم التفرغ المشكله الاساسيه .. اغلبهم موظفين ولو برواتب منخفضه ويخاف انه يترك وظيفته عشان تجاره غير مضمون فيها الربح ، وغير كذا الخوف من الفشل .

الشراكه قد تحل المشكله هذي .. الشراكه مو بالمال فقط ،، بالجهد ايضاً .

الخطاء لابد منه في جميع امور الحياة
والفشل هو الي يقوي الانسان ويتعلم منه ماتعلمنا في الحياة الا من اخطائنا
والمشاريع اغلبيتها تمر بالفشل وبالعكس اشوف المشروع الي يتعرض للفشل هو المشروع الناجح
وخير مثال على كلامي صاحب المطعم الشهيركنتاكي الي تعرض للفشل في بداية مشروعه
فاذا تبي تدخل السوق لابد تواجه الفشل لكن اذا فشلت ماتستلم هذا خطاء اصبر وكافح الى ان يزول هذا الامر الي اداء الى الفشل بالكامل
لانك راح تتعلم من الفشل وتنجح
التجارة مثل الطبخ بالضبط اول مانصنع طبق معين يفشل الطبق لما يفشل في نفس الوقت نعرف باننا زودنا او قللنا او ماهي عندنا الحاجه الفلانيه وماأضفناها له وهكذا
وبالمرة الثانية اذا اردنا صنع الطبخه نفسها من جديد راح نتعلم من اخطائنا السابقة ونحكم خطة التفيذ اي صنع الطبخه واكيد راح تنجح فيصير الطبق لايعلا عليه ومن ثم نصير ماهرين في اعداده ولو يطلب منا احد نعد له الطبق
يمار احنا واثقين من انفسنا ونمشي على كذا ويمكن في المستقبل نبدع في الطبق نضيف له اشياء جديده حتى مايملون منه الناس ويكون الطبق مطلوب عندهم ويستمرون في طلبه
كذا التجارة اما اذا فشل المشروع خلاص مافيه امل راعيه تخلا عنه هذا معناته انه ماتحلا بالصر لازم الصبر ثم الصبر في ادارة المشاريع اذكر رجل اعمال سعودي هو معروف الحين صاحب شركه مشهوره يقول اول زبون جاني بعد اربعة اشهر وكان اول ربح دخل علي 140 ريال
امممم صح نسيت اهم شي التوفيق بعد الله لان التوفيق مايجي الا بحب العمل والاخلاص فيه وتقوى الله اهم شي وبر الوالدين
هذي نصيحة وحده ع قد حالها مالها بالمشاريع وماتملك الا 50 ريال فقط لاغير

ان شاء الله مافيه فشل في اي مشروع ،

اذا طبخت الطبخة وذوقوها الناس ، لابد انك تبحث عن شخص يجيب لك المقادير المرة الجاية بحكم انك ما تقدر تشتريها


فالاسد اللي هو ملك الغابة يقدر يصيد الغزال
مع ان الغزال اسرع من الاسد ويقدر يركض الغزال ولا فيه اي مفترس يجيبة

ومع سرعته الخيالية يصيده الاسد

فاعتبر نفسك الغزال واعتبر الاسد هو الفشل
وقلبها براسك وان شاء الله تضبط امورك

بسم الله الرحمن الرحيم

اولا موضوع تشكر ع طرحه

ثانيا يوجد طوح عند غالب الشباب السعودي لكن طموحهم يصطدم بشي اسمه الخوف وهالخوف منتشر في غالب الشباب
كذلك يوجد من هو مهتم بوظيفته فقط ولايحتاج لاي دخل اخر
ويوجد من هو عاطل ويحتاج الى راس مال للبدايه في المشاريع مع خوف من عدم نجاحاته
عموما انا اشوف اللي يخاف هذا مستحيل يتطور
لان اساس التجاره من وجهة نظري انه لازم الشخص يخسر مره وثنين وثلاث الين يعرف وش اخطاءه ووش سلبياته وايجابياته
حتى يبدا الانطلاقه لعالم التجاره بالطريق الصحيح

ثالثا من وجهة نظري الكثير منا لديه افكار جديده او تطويريه للمشاريع ويبي يطبقها لكن يمنعه راس المال او الخوف
اما اذا كان راس المال فحلوله اما المشاركه مع اشخاص لديهم راس مال او اخذ قروض او سلف اوالصناديق اللي تدعم
اما اذا كان خوف فاقوله توكل ع الله فهو حسبك استعن بالله وادرس الموضوع من جميع الجهات بايجابياته وسلبياته اللي ممكن تواجهك وتوكل ع الله
والرسول عليه الصلاه والسلام في مامعنى الحديث التجاره تسع اعشار الرزق
وكذلك لاانسى ان كل مشروك مبروك
والله سبحانه يقول انا ثالث الشريكين مالم يخونا بعضهما

اخيرا عني انا لدي الافكار والوقت للمارسة التجاره لانها معشوقتي ولدي الخبره الكافيه لمن اراد ان يبدا او يستشير او يشارك فانا في الخدمه
وفقنا الله وياكم

كلام جميل ومداخلات اكثر من رائعة

ومن الردود واضح ان المشكلات هي نفسها اللي يمر بها اي مبتدي

ولعل النقاش يطول ونرى شاركات جديدة لنخرج بفائدة ونسعى لايجاد الحلول


مع العلم ان جميع الحلول موجودة لا كن ينقصها النقاش والبحث علن سبل بديلة لتلافي معضلة او مشكلة ماء

وراح نطرح مشاريع متاكاملة في المستقبل وفرص باعتمادنا على الردود باذن الله


ونتمنى مشاركة الجميع