سادتي الكرام

أنا خريج علوم حاسب آلي من جامعة الملك عبد العزيز 7\7\2008
وبتقدير جيد جدا مرتفع

وجاتني بعثة عن طريق وزارة التعليم العالي
ماجستير تجارة الكترونية ( استراليا )

والسفر راح يكون بشهر صفر تقريبا

وانا قاب قوسين أو أدنى من وظيفة بالخطوط السعودية
وكذلك على بعد اصبعين من وظيفة بشركة زين للاتصالات

ومحتار بصراحة

خاصة ان بعثة الملك لها ايجابيات لها سلبيات ومن سلبياتها
1 - شح المكافأة
2 - عدم وضوح الرؤية( يعني ترجع تدور على عمل )

وانا على باب زواج ,,

ربما أعود بالماجستير وزوجة وطفل نبحث كلنا عن عمل

هذا مايخيفني



أتمنى المساعدة

أتمنى ,,,

و الله يا اخوي مادري وش اقولك

لكن نصيحتي لكن صل صلاة الاستخارة

صلا صلاه الاستخاره
الله يوفقك انشالله

من وجهة نظري إذا كان جاتك الوظيفة اللي بالخطوط اقبل بها
وإذا اتأخر الموضوع الين موعد سفرك فسافر واتوكل على الله

ولاتنسى تستخير الله في الأمور اللي زي كذا
الله يوفقك يارب ويهيئ لك الصالح

اخوي خذها نصيحه وامسك في الوظيفه وخلك عند اهلك
واحمد ربك انك لقيت وظيفه صحيح البعثه فيها مميزات بس وظيفتك جاهزه
وبعد ماترجع ماتدري كيف تكون الاوضاع

بغيت اسالك متى قدمت على البعثه وهل قدمت بواسطه لاني بقدم على بعثه طفشت من كثر ماابحث عن عمل في البلد

تبي نصيحتي رح ابتعث والله احسن لك

شفنا جامعيين وكليه و شهاداتنا مو نافعتنا

واذا على وظيفتك في الخطوط اتركها وصدقني اذا جيت من استراليا

بذيك الشهادة السنعه صدقني بترتاح راحه ما بعدها راحه واغلب الشركات

القويه راحج تبقاك

على العموم نصيحتي لا تفوت البعثه

تحياتي لك