فتح باب القبول والتسجيل لوظائف وكالة وزارة الداخلية للأحوال المدنية

حكاية حياة · #31 (**permalink**) 07-05-2016, 05:17 AM

هل بعد التدريب الوظيفة حكومية
وكم الراتب

أأسرأأر مدينه · #32 (**permalink**) 07-05-2016, 06:33 AM

اقتباس:

المشاركة الأصلية كتبت بواسطة إتق الله

رد على عضو انتساب انجليزي

من رايي يالغالي انك تستخير ربك تصلي ركعتين استخارة تطلب فيها ربك ان يوفقك ويختار لك الصالح ، واذا تم قبولك في وكالة الاحوال المدنية قبول نهائي توكل على الله

الله يسعدك ويكتب الي في الخير
والله لي ست سنوات متغرب عن اهلي
وقلت لعلى وعسى لو احصل وظيفة ثانية اكون قريب منهم
علعموم مشكور على الرد وبيض الله وجهك

أأسرأأر مدينه · #33 (**permalink**) 07-05-2016, 06:36 AM

اقتباس:

المشاركة الأصلية كتبت بواسطة ياآرب

ايه ..

الي اعرفه يالذيب ان فيه تصنيف حاسب بكل قطع ويسمى بدل فني
ولكن بالاحوال المدنية ما ادري لو تسأل شخص بالاحوال نفسها أفضل لك
والله يوفقنا جميع فيما يحبه ويرضاه .......

إطار الورد · #34 (**permalink**) 07-05-2016, 01:23 PM

اقتباس:

المشاركة الأصلية كتبت بواسطة أأسرأأر مدينه

الله يسعدك ويكتب الي في الخير
والله لي ست سنوات متغرب عن اهلي
وقلت لعلى وعسى لو احصل وظيفة ثانية اكون قريب منهم
علعموم مشكور على الرد وبيض الله وجهك

السنه الي فاتت قبلوا فقط 25 من بين الآلآف المتقدمين
وعلى كلامهم اخذوا اعلى النسب والله اعلم

اعتبرك مثل اخوي واخاف تتورط وتترك وظيفتك على حساب وظيفة غير مضمونه
اصبر .. وقدم .. وتأكد .. وأستشير .. واستخير

ووكالة الأحوال المدنية تابعة لوزارة الداخلية .. فستشير لوجهاً لوجه ناس ثقة تعرفهم واكثر من شخص

قبل تفرط بوظيفتك الحالية ..

والسنه الي فاتت حتى الي انقبلوا .. ماأظهروا لنا مستواهم .. والكل توقع انهم واسطات خاصه ان عدد الشواغر قليله جداً

هكذا الكلام للجميع عشان لحد يتحمس كثير .. السنه الي فاتت تحمسنا توقعنا على الأقل القبول ألف أو بالمئات على الأقل ثلائمة أو مئتين أو مئة .. طلع فقط 25 فقط

وطولت لين طلعت النتائج .. خسارة ان وقتي ضاع وشديت اعصابي توقعت قبولي خاصه ان تخصصي جديد ونادر

الحمدالله على كل حال

توكلوا على الله جميعكم وقدموا لكن لا تتحمسون كثير مره عشان ماتنصدمون من النتائج

والي مو مصدق كلامي يبحث عن التقديم السابق وردة فعل المتقدمين في تويتر و في هذا المنتدى نفسه ..

إطار الورد · #35 (**permalink**) 07-05-2016, 01:33 PM

اقتباس:

المشاركة الأصلية كتبت بواسطة حكاية حياة

هل بعد التدريب الوظيفة حكومية
وكم الراتب

أكيد أنها وظيفة حكوميه خاصة التقديم بيكون عن طريق موقع وزارة الداخلية مثل العام

الرواتب على المرتبة السادسة مثل العام والله اعلم يعني 6 آلآف

للمعلومية للجميع العام قرأت في تويتر أن كان ناس إمتياز ومن مراتب الشرف مااخذوهم والمساكين تحطموا اكثر مني

وسألوا في تويتر إذا حنا امتياز ومااخذتونا أجل اخذتوا مين قالوا اخذنا الي أمتياز أعلى منكم في المعدل

والله اعلم .. الله يرزقنا ويرزقكم ..

إطار الورد · #36 (**permalink**) 07-05-2016, 01:43 PM

اقتباس:

المشاركة الأصلية كتبت بواسطة mohammad2070

الحين يقبولن التعليم عن بعد ولا لا ..

ولا لزم الدراسه انتظام الا معهم بكالريوس ..

ورواتبهم كيف .. .؟

جرب حظكم وقدموا .. ماتدرون يمكن يقبلونكم

السنة الي فاتت كانت المفاضلة بالمعدلات والأولوية للإمتياز ومراتب الشرف

قدموا يمكن هذي السنة غير ياخذون عدد اكبر .. والقبول يعتمد على المقابلة الشخصية

ماتدرون .. نتفائل خير ..

الرواتب مكافئة وقت التدريب 3 الاف .. والراتب على المرتبة السادسة يعني 6 الاف والله اعلم على كلام السابقين

وبعد ملاحظة يمكن قبول الرجال مختلف عن النساء .. !!

يعني على معايير مختلفه مهو بالنسب .. فلا تعتمدون على كلام احد

كلاً يقدم ويجرب حظه .. سواء دبلوم أو بكالوريوس او انتظام أو انتساب

تراها وظيفة حكومية والكل يتمناها .. مهي تعاقد ابداً والله اعلم