السلام عليكم
ارجو النصيحه ي اخوان انا عندي مشروع ولا ادري من وين ابدا
وهو انو اسوي لي شركة نقل موظفات ابي ابدا بسيارتين صغار او سياره صغيره لموظفتين ثلاث بس مادري ايش الاجراءات الي لازم اسويها هل لازم سجل وكيف اسويه والاجراءات حقته والسواقين من وين اجيبهم ولا اوظف ناس من غير كفاله سعودين وغير سعودين مو على كفالتي وتفاصيل كثيره لو احد له خبره ويشرحها لي لو سمحتو علشان ابدا وانا واثقه وسلامتكم ❤

نصيحه ابحثي لك عن مشروع افضل
يعني اذا تعرضوا لحادث او شي يكون في ذمتك
واجد المشاريع المربحه وبنفس الوقت مريحه

اولا راس مال السياره الوحده كفيله لانشاء مشروع واحد

ثانيا مثل ما ذكرو الاخوان لاقدر الله صار حادث راح تدخلين في متاهات وحتى اجرءات الدوله صارت صعبه بهذا المجال

اغلب الي يدخل هالمجال يملك راس مال قوي 150 الف كبدايه لان الفان الواحد قيمته حول الميه

انصحك تغيرين مجالك وفكري في مجال يخص النساء مثل الحضانه او حتى مشغل او شي ثانيه


طبعا مو تحطيم ولا شي لو نظرتي لجميع النواحي راح تلاقين تعقيدات وامور ماهي واضحه مثل اجراءات الرخص وعدد العمال وعدد السيارات وسكنهم والشي الثاني كل سياره يبيلها سواق ولو استقدمتي كم عامل راح تفتحين مووسسه وتتعقد امورك

او انك اذا كنتي معلمه اشتري فان واستقدمي عامل وتوكلي على الله كبدايه يعني منها تستفدين انتي واذا شفتي والله ان فيه احتياج كملي مشوراك



وفقك الله

السلام عليكم
نصيحه اخويه

المشاريع كثيره مربحه وتقدرين تديرينها بنفسك
اما مشروع النقل صعب ادارته بنفسك
وصعوبته بتصاريحه لازم سيارات الفان الكبيره وليس الصغيره وتامين شامل ومكتب وسواقين
انا اشوفه لك بالذات غير مربح ولا مجدي
لانك ماراح تقدرين ع متابعته
وبدايتك بسيارات صغيره لاجدوى لها
3 معلمات يالله يالله راتب السواق وصيانه السياره واستهلاك السياره
يعني خساره

اقترح عليك تشوفين بديل لهالمشروع والبدائل كثر
والله الموفق

شكرا لكل من رد ونصحني جزاكم الله الف خير بس كنت مرا متحمسه لهالمشروع بس من كلامكم صعب علي الامر طيب اذا بغير المشروع لمشروع تنظيم معارض ومناسبات او تسوي للمعارض من عنده فكره

عندي لك مشروع حلو وجديد على السوق (تقريبا)

افتحي مركز رياضي نسائي يشمل الرياضات المختلفة و مساج و حمامات بخار وساونا وركن كافيه
مشروع ممتاز ومربح اذا عرفتي تنشئينة صح وموظفاتك محترفات واعلاناته وتسويقة تم بشكل مدروس,

عندي لك فكرة ممتازة
افتحي مركز رياضي نسائي يشمل كل انواع الرياضات وحمامات ساونا وبخار ومساج وركن كوفي

سبحان الله

اختلف مع طرح الاخوان من خلال خبرتي في هذا النشاط


واعذر الاخوان لأنه ماراح يعطيك الرأي الصحيح الا من جرب مع احترامي لوجهة النظر الخاصه فيهم


انا ولله الحمد اسست مؤسسة نقل وهي مربحه جداً وليست متعبه ومن أفضل الانشطة التي عملت بها من حيث عدم بذل جهد مضاعف للرقابة او حتى الحسابات وجهدها يكون في بداية العام الدراسي فقط من اعلانات وخلافه


النشاط مثل ماذكرت مربح بشكل كبير ولكن تكلفته تعتبر عاليه


المتطلبات ترخيص من وزارة النقل ومن البلدية

وزارة النقل شروطهم جداً بسيطه وهي تكمن في ان يكون عدد السيارات لاتقل عن 3 سيارات ولكن الصعوبه في شروط البلدية واهم شرط ان يكون لدى المؤسسة حوش بمساحه لاتقل عن 1800 متر طبعاً يلزمك استئجار حوش وممكن هالشي مقدور عليه مع ان قيمة ايجار الاراضي تعتبر غاليه في الرياض ولكن تستطيعين استئجار ارض في المناطق القريبه من الرياض لغرض استخراج الترخيص مثل رماح او المزاحميه او اي منطقه اخرى يكون اسعار ايجار الاراضي بسيط لايتجاوز 20 الف في العام

لكن الشرط الصعب في الاراضي هو سقف 50% من الحوش يعني 900 متر لازم يكون مغطاء بالكامل تعتبر مواقف للسيارات وهذا مكلف سواء كانت الارض في الرياض او غير الرياض


اذا عندك القدره المالية توكلي على الله في البداية تذهبين لفرع وزارة النقل حي الصحافه اول ماتدخلين فيه كونتر على يدك اليمين خاص بمؤسسات تأجير السيارات والليموزينات ونقل المعلمات تاخذين من عندهم الشروط وتوفرين السيارات بعدين تبحثين عن حوش


ولكن النشاط مكلف جداً السيارات السافانا المستعمله موديلات حديثه لاتقل عن 80000 للسيارات الواحده


وبالتوفيق

للي يتكلم عن مشروع نادي رياضي للسيدات، هل الجهات الحكومية تعطيك تصاريح وإلا مثل ما هو شغال حالياً، بالخفاء؟؟؟