السلام عليكم

أنا خلصت اليوم آخر اختبار لي في الجامعه ولله الحمد
والوثيقة بأستلمها قريب ان شاء الله

لكن أنا طالب وموظف في شركة في نفس الوقت
لأني متزوج وعندي بنت ومصاريف وحوسه

الزبده اني مغير مهنتي في الأحوال الى موظف أهلي
واليوم الصباح أخذت تعريف من الجامعة على أساس أروح للأحوال يغيرون مهنتي
الى طالب ، لأني أبغى أقدم على كلية الملك فهد والملك خالد
وأخاف ان لو قدمت ومهنتي موظف أهلي مايقبلوني

طيب ألحين أروح للأحوال بالتعريف اللي من الجامعة ويغيرونها على طول
حاجز بكره على أحوال الدرعية

عليكم السلام

لا معليك موظف اهلي مايردونك تقدم

كثير ناس قدمو واهما موظفين اهلي



ب التوفيق

انا زيك مهنتي موظف أهلي وغيرتها قبل اسبوع لمتسبب علشان ماتكون عائق في القبول ، خذ تعريف من الجامعة يكون موجه للأحوال المدنية اهم شئ

ان كانت موظف اهلي او طالب او متسبب ماتعيقك بأذن الله

بس اذا كانت موظف اهلي بيقولون لك جيب اخلاء طرف
هذا الي بيقعدون لك عليه
واعتقد ان ماعندك مانع تستقيل دامك بتقدم في الكليله


الله يوفقك ويكتبلك مافيه الخير
اتمنى إني وصلت المعلومه لك

أتوقع ما تعيقك باذن الله بس الحرص واجب

روح للأحوال وغيرها منت خسران شيء

ما تدري ايش يصير

م رح تعيقك بالتقديم لكن ماتتغير الا اذا قدمت استقاله وخذت اخلاء طرف من المكان الي تعمل فيه حاليا
ف افضل لك لاتستقيل الا اذا ضمنت قبولك نهائي في الكلية

اتمنى لك التوفيق