بسم الله الرحمن الرحيم

أخواني ... اخواتي

السلام عليكم ورحمة الله وبركاته

بكل صراحة لي فترة في هذا المنتدى الطيب والمفيد الي خلاني شبه يومي ادش فيه لكن للأسف يمكن مرة او مرتين كتبت ردود ... واليوم حبيت اقص عليكم قصتي الي صارت لي وخلتني افكر ليل ونهار بالي صار لي ... ولكن قصتي ربما لم تكن الأولى من نوعها ولن تكن الأخيرة ايضا .......

في هذا البلد صرنا نتوقع اي شي للأسف الشديد وليس هذا سوءا بالبلد بل سوءا بالمسؤولين او بالأحراء المسؤولين عن التوظيف صارت الدنيا مثل الغابه القوي ياكل الضعيف ولي عنده ضهر يبقى ولي له رفيج يترفج له ..... ما علينا لا ندش بالسياسة

المهم

قصتي يا اخواني واخواتي كالأتي :

انا خريج كلية الجبيل الصناعية بمعدل 3 من 4 وتخصص ادارة مكاتب .... وكنا بالماضي نسمع عن خريجي الجبيل الصناعية الشباب الي لهم الفرصه الأكبر في التوضيف وهذا كان بالماضي لكن الحمد الله ....... تخرجت وتوضفت بعد ما جلست فترة من الوقت بالبيت لدرجة انا لابتوبي طاحة حباته من كثر ما اجلس عليه

وجلست بهذه الوضيفة اشتغل ومنها ابحث عن عمل مااخفي عنكم كنت اشتغل بماشاريع ارامكو وكنت بمنطقة نائية ولكن الحمد الله احسن من الجلسة .

في يوم من الأيام سجلت بالهيئة الملكه بالجبيل <<<< هنا تبدأ القصة المحزنة

وطبعا سويت اختبار ومقابلة وكل شي ولله الحمد ..... لكن بعد فترة تجيني اتصالات من الهيئة الملكية واروح اسوي مقابلات لكن ما يردون علي بالقبول والرفض طبعا هذه الأتصالات من رؤساء الأقسام المحترمين الي خلوني احفض اشكال المراجعين لليهيئة من كثر ما اروح واجي من اتصالاتهم .... المهم ما علينا

جاني اتصال من الهيئة وقالي مبروك انت مقبول بالهيئة الملكة و تعال باقرب فرصة عشان توقع العقد و تسوي الفحص الطبي <<<<<<<<< طبعا ما تتصورون من فرحتي لما سمعت الخبر السعيد المبشر بالخير

رحت كالعادة ورحت لشخص الي اتصل علي وجلست بمكتبه وقالي لحظه اجيب العقد وملف الفحص عشان تخلص امورك اليوم كاملة ......... طبعا الساعة عشر صباحا

تخيلوا يا جماعه تخيلوا بعد ما قالي هالكلام اسوي اربع مقابلات بنفس اليوم في كل قسم مقابلة ((( مقابلة ترسيب ))) واجلس لساعة اربع العصر ولا شفت حتى ايش بكون مو اني شفت العقد

وقالو لي روح بيتكم ونتصل عليك

قلت اروح وانتظر <<<<< تنتظر ايش يا ولد امك

و الخبر الأفضل الي زاد الطين بله في نفس الأسبوع انفصلت من عملي الي كنت اشتغل فيه

يعني ضربتين بالراس توجع

والله ثم والله يا جماعة اني انصدمت صدمه قويه لدرجة اني اتذكر روحتي للهيئة والأتصال الي جاني لدرجة جلست اشكك في ذاكرتي هل الي سمعته صج ولا خيال من عندي ولا توهم ولا حلم ...... يعني الشاب يحلم طول عمره بوظيفة احلامة واخر شي تجيه وناس انذال يسحبونها منه

طبعا كنت اسأل الناس الي توظفت في هذيك الفتره يقولون لي ما صر لنا شي من هذا القبيل حتى انا رحنا وووقعنا وانتها كل شي ......... لكن يا جماعة الحمد الله رب العالمين

اشتغلت بشركة كبيرة ولي الآن من السالفة 5 شهور و الأتصال الموعود ما جا ولا راح يجي

طبعا يا اخواني واخواتي الشي الوحيد الي ابي اوصله هو :

العيب مو فينا ولا في نقص الوظايف العيب في الي ماسكين هذه الوظايف

ربما تكون الأسباب

واسطة

عنصرية (( ممكن قبلية وممكن مذهبية )) اسف بهذا التعبير

العمالة الأجانب افضل بنظرهم

اتمنى لكل عاطل وعاطلة وخريج وخريجة التوفيق والحصول على منياة

ودمتم سالمين

وعليكم السلام ورحمة الله وبركاته ...

حياك الله أخوي موظف ... منورنا
أخي الكريم .. ماحدث لك هو خير من بدايته الى نهايته وماسيحدث لك هو خير وان كان ظاهره الشر
اعترض معك أخي قليلاً ..
ربما انت تمتلك مؤهلاً ولكن الواسطة وقفت مانعاً وحائلاً بينك وبين الوظيفة التي ترغب فيها ..
ولكن هل جربت مثلاً العمل في مجال بعيد عن تخصصك ..؟!
اعتقد اننا لا نعاني البطالة بمعناها المعروف وهو ( لا يوجد وظائف وفرص وظيفيه مقابل وجود طالبي عمل في ازدياد )
فالوظائف موجوده ولكن لا تتناسب مع مؤهلات البعض ..
والبعض هذا لن يتنازل ويقبل بوظيفه ليست في مجال تخصصه الا تحت شروط معينه كالراتب المرتفع او السمعة ..
ما أردت ايضاحه .. هو ان حل المشكلة يكمن في معرفتنا للأسباب ومن أهم الاسباب نحن ..
نعم هناك خطأ في وجود كليات تؤهل الشباب لقطاعات لا تتوفر بها فرص وظيفيه ونأمل من الله ومن ثم الحكومة ان تتصرف حيال الأمر ..
ولكن بإمكاننا حل مشكلتنا اذا قبلنا بالعمل في مجالات بعيدة عن تخصصاتنا .. ولتكن المهن المعتمدة على العمل الحر او اليدوي والمهني ..
عموماً أخي قل لن يصيبنا الا ماكتب الله لنا ...
وما أصابك خير من عند الله وليطمئن قلبك فرزقك لك لن يأخذه غيرك ..
وفقنا الله واياك والمسلمين عامه

heavenmoon

و

من اكثر الناس حظا

يعطيكم العافيه على المرور

والله يا جماعه الحين انا مرتاح لاني اشتغل هذا اولا وثانيا اني مرتاح نفسيا بشغلتي

وعلى فكره الشغلة الي اشتغلها تخصص ثاني بس قريب من تخصص

والحمد الله رب العالمين على كل حال

وشاكر لكم ومقدر

تحياتي

يمكن ربي مخبيلك شي احسن من الثنتين ويكمن لك فيها خيره هذيك في البر وهذا انبسطت منها الله يعوظك الف خير وتلقى الي تبيه يا رب