السلام عليكم كيفكم عساكم بخير .. ياشباب انا تخرجت من الجامعة شهر 4 الماضي ومالقيت وظيفة طول الفترة اللي راحت لكن قبل أسبوع عرض علي وظيفة بعيدة عن مجال تخصصي ب راتب 3000 ومتحير اقبلها ولا لا مشكلتي مو في الوظيفة مشكلتي اذا وقعت على العقد أصير مدعوم من صندوق الموارد البشرية وانا سابقاًغير مدعوم واخاف اذا قبلت في الوظيفة وسجلوني في دعم الموارد البشرية ماتقبلني اغلب الشركات والقطاع الخاص وانا محتاج وظيفة فأنا محتار فزعتكم تكفون اقبلها الوظيفة ولا لا

من وين أنت ؟

ليش السؤال ؟

ي جماعة الخير 56 مشاهدة ولا في ولا رد !!!

والله مااعندي خلفيه كامله عن ذا الموضوع

اخوي تعرف كيف تنحاش؟انحش نصيحه لوجه الله،انا قدمت لشركة مواقف قبل 4 سنوات وداومت بس اسبوعين من غير اسبوع دورة وشفت هالشركة قمه في التحايل والنصب على المواطنين وطلعت منها ومن يومها ما قدرت اتوظف بشركة ثانيه فيها دعم مع ان دعمي يعتبر بس شهر،اكلم صندوق الموارد وتسحيب صار لي 4 سنوات ع المنوال كل ما فضيت مريتهم يقولون قدم شكوى على الرقم المجاني وبيجيك رد بعد 10 ايام عمل وللحين كل مرة اقدم شكو وانتظر رد ولا فيه رد،كم دورة راحت على كله من هالشركة حسبي الله عليهم،نصيحه لوجه الله وانت بكيفك

بالنسبة لك من شهر 4 يعتبر وقت قليل يعني ممكن تحصل فرص أكبر . وأفضل من هذا الراتب
أنا حقيقة ما أعرف عن نظام الموارد ولكن يا أخي أنت أعلم بنفسك
إن كنت محتاج الوظيفة بشكل لايقبل الجدل فتوكل على الله
وإن كنت تقدر تصبر لعلك تجد أفضل
ا