السلام عليكم انا طالب متخرج من الجامعة وعرض علي وظيفة بعيدة عن مجال تخصصي براتب 3000 ولكن مشكلتها لازم أسجل في الموارد البشرية وانا ماابغى أسجل عشان اذا استقلت من عملي الحالي اقدر أتوظف في اي شركة ثانية والحين اغلب الشركات تشترط ان يكون المتقدم غير مدعوم من الموارد البشرية وش رايكم اقبل الوظيفة الحالية او لا ؟

وعليكم السلام

أنا من رأيي ونصيحتي لاتقبل

راتب 3000 قليل جداً بما ان الموارد تدعم معناته المنشأة ماراح تدفع لك إلا 1500 ريال فقط !!


انتظر وابحث عن غيرها يكون الراتب اعلى

لأن الشركات تعطي راتب 5000 ريال وهي مبسوطة لأنها ماراح تدفع الا 2500

فلا تستعجل أبداً وابحث عن غيرها إلا اذا 3000 بدون موارد ممكن تقبل وتتغاضى


نصيحة أخت .. لا تقبل بهالوظيفة ابداً

الله يعطيك العافية اختي حكاية صمت على الرد الراقي 🌹🌹 المشكلة الا متى وانا بقعد عاطل الوالد كفى ووفى الله يعطيه العافيه جاء دوري انا تخصصي المحاسبة وسجلت في التاهيل المصرفي ومن ضمن شروطهم عدم دعم من صندوق الموارد البشرية

الله يعطيك العافية اختي على الرد الجميل وننتظر بقية الردود

تخصصك جميل ماشاءالله

ادخل مواقع البنوك الحين اغلب البنوك محتاجين وسجل في الموقع ماياخذ منك وقت

وروح للمستشفيات الخاصة

أغلبهم يحتاجون محاسبين وبرواتب كويسه

لاتيأس وتقبل بأقل شي


الله يوفقك يارب

سجلت في مواقع البنوك كلها لكن من كلام بعض الناس وكلمت واحد مسؤل في بنك قال التوظيف موقف في كل البنوك له 4 أشهر وإذا بيصير توظيف عن طريق هدف وهدف اجباري ماتكون مسجل لا في التأمينات ولا مدعوم من الموارد أشكرك اختي على سعة صدرك 🌹🌹والله يوفقنا وياك

الله يسهل لك الى تتمناه

وعليكم السلام

ماشاء الله تخصصك جميل ، نصيحة اخ لا تقبل العمل عن بُعد لان مجالك تقدر تتعلم فيه اكثر وتكتسب خبره اكبر ، العمل عن بُعد بنفس تخصصك ما راح تستفيد منه كثير ، وكمان الراتب جداً قليل ، وبالنسبه لدعم الموارد البشرية بعض الشركات تلتزم بعدم توظيف من سبق دعمه من صندوق الموارد البشرية والبعض ما يكون لديهم هذا الشرط

ابحث عن شركات اخرى وبدوام كامل لكي تكتسب خبره اكثر بالمحاسبة

اتمنى لك التوفيق والنجاح

ماشاءالله تبارك الله .. تخصصك مايحصل عليه احد الا بعد من ينلحس مخه من صعوبته هههههههههه

رائي من رائ الاخوان اللي قبلي .. ابحث عن غيرها
وحاول تقدم على مؤسسه النقد تخصصك مطلووب عندهم بقوه .. اذا انك ف الرياض روح ادارة بنك الراجحي التقديم على الوظايف متاح عندهم اغلب الاوقات وبدون اعلان .. وحتى لو انت خارج الرياض معليش روح لهم وان شاءالله منت خسران


بالتوفيق لك وللجميع ان شاءالله ..

نصيحة لا تسجل

لان بوظيفتك هذه ماراح تأخذ خبرة واذا طلعت ماراح تلقى شركات تقبل واذا لقيت راتبك راح يكون قليل لان ماعندك دعم من صندوق الموارد
اكثر الشركات ماتطلب خريجين لان مايفيدونها بشيء
اذا ماعندك خبرة بتخصصك كأنك خريج جديد

حتى تحسن مستقبلك الوظيفي لازم تبدأ بوظيفة لها علاقة بتخصصك
لان البداية هي الاساس

نصيحة اصبر اذا الترم هذا متخرج
لانك تخرجت بوقت مافيه وظائف خاصة ان الرمضان قرب
راح تلاحظ الوظائف بالوقت هذا قليلة