لسلام عليكم ورحمة الله وبركاته ..

يا اخواني انا دورت ولفيت كل المواقع وسألت ناس وجوابهم مو واحد

الله يعطيكم العافيه انا ابي احد ينورني الله ينور دروبكم دنيا واخره

نقل الخدمات من وزارة الى وزارة اخرى هل من الشروط انه لازم تكون سنه كامله على راس العمل الكلام هذا صحيح؟؟

انا موظف مؤقت يمكن سنه وشوي تقريبا الحسبه تكون من اول يوم باشرت فيه العمل او من اول يوم ترسمت فيه ؟؟

الأمر الثاني : المطلوب اني اجيب موافقه من الجهه اللي انا منقول لها ( يعني الخدمة المدنيه يمشي معاهم الوضع طبيعي ولا يكون فيه تعقيد )او عندهم شروط معينه ياليت تنوروني

الله يسعدكم يارب دنيا واخره

ياجماعة الخير معقولة كل المشاهدات هذي ولا احد عنده علم ؟!!

عطوني علم تكفون ريحوني

والله ياخوي انا ماعندي علم ولا دراية بالموضوع هذا ولكن دخلت عشان ارفع لك الموضوع .. ويجي من يفيدك ويعطيك العلم الصحيح ان شاءالله ..

بالتوفيق ان شاءالله ..

أخي الكريم
لايسمح بالنقل بين الوزارات قبل انتهاء السنة الأولى إلا في حالات مثل أن تكون هناك حجج قوية أو ظروف قاهرة ولابد من موافقة الجهتين ..
لكن غالبا ً والمتعارف عليه لازم تكمل سنة من تاريخ مباشرتك ..

والنقل يكون بطريقتين
الأولى أنك تنقل على رقم شاغر
يعني أنت بوزارة التعليم وتبي العدل
تروح للعدل وتبحث عن رقم شاغر ثم تخابطهم وإذا وافقوا يرسلون للتعليم ياتعليم نبي موظفكم
وعندنا رقم شاغر والتعليم تقرر بعد ذلك وإذا مديرك موافق الأمور تتسهل ..

الثانية إنك تجيب نقيل لك
يعني ياعدل عندكم موظف يبي التعليم وانا ابي عندكم وترفع معاملتكم
واحدة للعدل وبعد الموافقة ترفع للتعليم ويبادلونكم

ونظاما مافيه شي اسمه مبادله لكنه موجود عرفا ومسموح به ..

وحسب علمي أنه بعد النقل ترسل المعاملة للخدمة للتعديل فقط
يعني مالهم لا حل ولا ربط ..(هذا حسب علمي)

اخوي ماجد الله يعطيك الف عافيه يالغالي والله يرفع قدرك يارب وماقصرت على المرور الجميل

الف الف شكر ..

اخوي الشمالي

الله يعطيك العافيه ياغالي وينور دربك دنيا واخره يارب

ماقصرت كفيت ووفيت الله يعطيك العافيه يارب الله يجعلها في ميزان حسناتك ياغالي