السلام عليكم
مبارك عليكم الشهر ..
انتبهوا ياشباب .. انا كنت ساكن في مكة وطلعت جدة وقابلت مدير التوظيف .. استقبلني احلى استقبال وماقصر ( طبعاً وقت التوظيف فقط ) وقلت له اني من مكه والمشوار جدا بعيد وطلبت منه اداوم فترتين وبدون تأمينات ..ووافق
ولمن وصلت هناك لقيتهم كل سود .. وعنصريه بشكل مقيت .. المشرف يقول ( احنا خيلان ونبغى القروب كلهم نفس اللون .. مكانك غلط بيننا ) .. ومنهم صومال وحبوش وسودانيين ( يعني غير نظاميين ) ومافي اي احترام بين الزملاء .. تحس انك بوسط غابه .. اتصلت على مدير التوظيف وما يرد .. ارسل مسجات وما يرد .. اكلمه واتس ويشوف كلامي ويطنش
اتصلت عليه من رقم غريب .. وطلبت اتوظف .. ونفس الشي ياهلا ويامرحبا واحنا في خدمتكم وتعال ومايصير خاطرك الا طيب ومن هالكلام .. عرفت انه كذاب ونصاب ويبغى يغطي الموقع فقط .. قلت له انا فلان وسبق وقلتلي نفس الكلام ولمن واجهت مشاكل اكلمك وتطنش .. قال تبغاها ولا في مليون غيرك وسكر الخط بوجهي
و ليا عندهم حق 3 ايام مااعطوني ريال من السنه اللي راحت .. الله يجعلها نار في بطنه ولا يوفقه
حبيت احذركم فقط .. و اللي مو مصدق وحاب يجرب .. يروح ويشوف بنفسه

والله ي الحربي .. انا قدمت في جدة .. بشارع حراء مكتبهم .. وسط عمارة ماعليها ولا لوحه .. ماخذين شقه فيها غرفتين .. غرفه فيها سوداني محاسب .. وغرفه فيها مدير التوظيف
ولمن رحت صعبر .. منطقه خلى خالي والرب عالي .. وبالليل مافي انوار والجيب اللي يعطوك يكون فيه اثنين ولو رحت للمحطه تشتري شي تاكله .. يتصلوا عليك وينك ومدري وش .. يعني شوف احنا قافطينك عن طريق ال جي بي اس
يعني قبل توصل مر على اقرب سوبرماركت واشتريلك عصير ولوزين وكيك ومويه وخلها معاك
تحملت وصبرت وماقلت شي .. بس لمن تلقى عنصريه وناس ماترغب بوجودك بسبب لونك .. هذا الشي اللي يخليك ماعاد تقدر تتحمل .. وربي صبرت على ضعف الراتب .. وفترتين .. والمسافه جدا جدا بعيده .. لكن ماقدرت اتحمل العصبجيه اللي هناك .. وفوق هذا المدير داج ومابيده لا يحل ولا يربط

اكشششن/

جزاك الله خير إنك علمتنا وعسى ربي يعوضك خير منها.

وايااااك ياااارب .. الله يسمع منك .. ويارب كل شخص عاطل يلقى عمل .. بهذا الشهر الفضيل

جرب روح وشوف .. ممكن تغيرت الاوضاع .. ماودي اكون سبب في منع اي احد .. بس قلت بما اني جربتهم وعانيت منهم .. اقول تجربتي وقصتي معاهم

ياشباب انا قدمت واتصلو علي وروحت لهم
واعطيتهم اوراقي ( السيره الذاتيه - صورة الاحوال - صورة الرخصه - صوره للحساب البنكي )
وكمان وقعت على كم ورقه بس ماهي اوراق العقد اوراق ثانيه حقت الشركه او زي كذا .
وقالولي انه العقد راح يجي بعد يومين .. لكن لما شفت الردود هنا خلاص مابي اتوظف عندهم .
اللحين انا خايف انهم يسجلوني بالتامينات .. كيف اسوي ؟؟

من رأيي تتوكل على الله وتجرب حظك .. يمكن الأوضاع تغيرت و الله اعلم
ولا تباشر الا بعد العقد .. وخذ نسخه منه .. واقرأ جميع بنود العقد قبل التوقيع حتى بعد كذا تعرف اللي لك و اللي عليك وماياكلوا حقك
ترى المكان مقطعه .. لكن في محطه كبيرة قبل الموقع فيها كل شي .. سوبر ماركت .. ومطعم .. وكافتيريا .. وديوانية
ان كنت ساكن قريب من هناك اشوف انها مناسبه لك .. لكن ان كنت بعيد .. حرام تتمرمط وتتبهذل وتضرب كل هالمشوار على هذا الراتب .. و انت ادرى بنفسك اخوي
في اعلان هنا بالمنتدى لشركة امنية وبنفس الراتب وداخل جدة .. و اظن انها الشعاع .. ومااعرف شي عنها .. لكن ماسمعت احد اشتكى منها
بالتووووفيق