السلام عليكم ورحمة الله وبركاته
اسعد الله اوقاتكم ,,


انا معي بكالوريوس إدارة أعمال
و موظف في مدرسة أهلية لي 6 اشهر براتب 5000 , وبدون تأمين طبي , الدوام من 6 الصباح الى 12 ونص
أفكر , أستقبل وابحث عن شركات برواتب أعلى ,,

طبعاً مشكلة المدرسة الراتب ثابت لمدة 5 سنوات بعدها ينقطع دعم الموارد ويصير الراتب 3000 بس وبدون تامين طبي وبدون زيادات سنوية

اما الشركات زيادات سنوية وتامين طبي واوفر تايم , بس مشكلتها قلة الاجازات ودوام طويل


ايش نصايحكم وتوجيهاتكم

أبغى شيئ للمستقبل
وكم تقريباً رواتب حملة بكالوريوس إدارة أعمال بدون خبرة بالشركات
وهل خبرة المدرسة تنفعني بالشركات ؟

طبعاً الشركات افضل .. رواتب اعلى تأمين طبي لك ولعائلتك وزيادات سنويه ومميزات كثير
خصوصا ان معاك شهاده بكالوريس وخبره المدرسه محسوبه لك اكيد بغض النظر وين اشتغلت
ميزه المدرسه الوحيد وقت الدوام اريح على عكس الشركات لكن للمستقبل بالشركات بتستفيد وبتتطور اكثر
عموماً الافضل انك تبحث وتقدم على جميع الشركات واذا جاك قبول استقيل من المدرسه ..
لكن لا تستقيل قبل ماتلقى فرصه كويسه لك ..

بالتوفيق والله يكتب لك اللي فيه الخير والصالح

الله يسعدك ع المعلومات الثرية ,
مشكلة الشركات طالبين لغه او خبره

كيف نتعدى هالموضوع
خصوصا وانني شخص طموح وسريع التعلم ولله الحمد
يعني ابغى بس ابداء وباذن الله نتعلم

ننتظر راي البقيه

خبرة 6 شهور م تنفعك الشركات تبغا خبره 3 سنوات على الاقل وانت في النظام
تعتبر موظف اهلي بس م ادري هل الشركه حتقبلك او لازم تقدم استقالتك بعدين تقدم؟
واذا ما تحتاج المدرسة الاهليه انصحك تقدم ااستقالتك و سجل بياناتك في الشركات
ودور لك مصنع تشتغل فيه لين تجيك فرصة في احد الشركات الثقيله

1-لاتستقيل ابد الين توقع مع الشركة الثانية
2- اذا لغتك ضعيفة ممكن تاخذ دورة او شي بعد وقت الدوام
3- طبعا قدم على كل الوظايف الي بيتخصصك سواء طالبين خبرة او لا لان الشركات احيان تبالغ بشروطها

نصيحة اخ ... دور لك شركة واطلع باسرع وقت (لاتطلع الا قبل ما توقع العقد او تأكد وظيفتك)

الشركة فيها كرف + شغل = خبرة ولغة وتطوير لمستقبل ناجح بأذن الله.

لاتقضي 5 سنوات على راتب 5000 (ياخذها خريح ثانوي في هرفي ولا العثيم ولا ماك) ولا اقصد التجريح او الاستنقاص

لكن انت معك بكالوريس وتعبت عليه.. وتستاهل افضل من هالوظيفة.

بالتوفيق لك